Ruzante, La Betia

Ruzante, La Betia [ms. Marc. It. XI 66]

Permalink: /texts/betiaM|001


	[1] El naturale infra gi huomeni e le femene è la pi bella cosa che sipia, e perzóntena naturalmen e dertamen ognom dê andare, ché, com te cavi la cosa del naturale, la se inroegia. Mo perqué gi osiegi no canta mè sì ben in le gabie com i fa in su i salgari? Né perqué no fa mè tanta late le vache in la citè com le fa de fuora a la salbegura, a la rosà? Perqué? Mo perqué te cavi la cosa dal naturale. E perzóntena, vogiantove mo mi arepresentare una cosa intrevegnua in villa, comuò che ive a’ge uson a’ve ’l farè sentire.

	[2] Né gnian guardè che a’vuogia far com fa no so que cogombari, che vo mostrar de esser sletran e sientiè, che i dise che pegorari, che igi i chiama pastore, e sì favella po da Fiorenza, che, a sangue de Tristo, i me fa cagar da riso per tutto. Mi, com a’ve dige, a’son bon pavan, né a’no cambierae la mia lengua con dosento fiorentinesche, né a’no torà d’esser nassù in l’Agipto de Betheleme, don nascé Iesumdio, per n’esser pavan.

	[3] O Iesum Cristo, esser pavan è pur una bella cosa! Mo on è el megior àire? On è el migior pan? On è el megior vin? On è deversamen el megior terretuorio de monte e de pian? On è le pi belle zente, putati, putate, zovene, viegi e d’ogni etè? On è le megior zente containe, che a’fazon careze a tutti, e albergom tutti vontiera, e se haom se no un pan, a’’l partom per mìgola mezo?

	[4] On è la pi bella citè? On è la pi forte? On è tanti biè gesiè, guarda, com è quella dal Santo? On è tante belle piace? On è tanti biè fiumi? On è tanti biè palaci, guarda, com è el nostro? On è tanti biè portegale, che te puossi andar al cuverto da per tutto, e piova se vo? On è tanti sletran de tutte le scintie, che tutti da per tutto el mondo corre a scazafasso a imparar sennò chialò? On è i megior citaini, guarda, che i se amaze, com i fa in tutte le altre citè da per tutto? Mo saì perqué? Perqué a’seom tutti del sangue iusto de massier Antenore da Truogia, que fese sto nostro spatafio, com disse quel gran sletran Verzilio, quando che ’l disse: “Antenore potui te mierio delasso Echille”.

	[5] O Pava da Truogia! O sangue iusto! Com a’favello de ti, te me fe serare el cuore da dolzore ch’a’no posso mè dir com a’vorae. E perzóntena e’te priego, sglorioso santo Antuogno, che te me vuogi dar poere che a’possa ben dire i laldi de la to Pava, e che a’face cognoscer de che zepo a’seom, e de che narsion e’sem vegnù, che è da massier Antenore da Truogia, com a’ve digo, venerom. Disse anchora Verzilio, quando che ’l disse: “Hic urbem Patavi stravit sede que ocavit”. E azò que ognom intenda e’’l dechiarerè per avogaro: “hic” vuol dire “chialò”, “urbem Patavi” ”’l è orbo chi no vé Pava”, “stravit” “el g’è buoni stratuti”, “sede que ocavit” “se ’l ge ven chì oche” le mandom a bevere.

	[6] O Pava vegia e siencià, mo no nascé in ti Teto Livio, quel gran sletran che fé tantue stuorie? No hetu fatto quigi da Ca’Castro, que ha fatto tanti slibrazon de rason zoile? No hetu fatto massier fra Raberto, che è stò sì gran sletran de luorica, filuorica, teluorica e smatafisica? No hetu fato massier Pavolo, che fé el testo de la reson? No hetu fatto quel gran regomante e indiavolò de Piero d’Abana, che faxea cagare i diavoli inchinamente a ca’so? No hetu fatto quel grande sguardenale Zabarella, savio, sinciò, iusto e d’ogno rason bon, che ha lagò la raxon caluorica in pe? Mo massier Francesco Spetrarca, che ’l have dolore de n’esser nassù in ti chialò, no ge vénelo a morire? Mo tanti santi e sante e martoriegi n’hagi vogiù lagare i suò cuorpi chialò in salvo, perché i veéa che i giera in bon luogo e salvi perfina al dì del Iodisio, per menarge tutti in paraiso?

	[7] O Iesumdio scrocificò, o Vergena Maria, che a’siè sempre laldà e beneta, che chialò m’haì fatto impolare e nascere, guardège da fame, peste, guerre malette e da deroina de soldè, e fè che i puti, che è nassù in ste trobolation, devente Rolandi palaini, e quigi che n’è nassù devente Stuotene in sletre, che i vage con el celibrio oltra el cielo Impirio e per inchinamentre mè in Colecuta, per alzare el nostro lome, azò que per tutto el deverso mondo se cria: “Pava, Pava, Pava!” cossì com da per tuto se balla la pavana per el megior ballo che sipia.

	[8] Altro de tal cosa se ha a recitare a’no ve dirè ananzo, perché l’è cosa naturale, e perzóntena a’la intenderì gagiardamen. A’ve domando solamen selintio.

	Interlocutori: El poeta, Zilio inamorato, Nale, Bazarello, barba Scati, Betia noiza, donna Menega, un putin, Tacio hosto che fa el mariazo, el donzello che porta el presente, Menegazo, Tomia moier de Nale. Senza parlar: do cantarini, siè armadi con Zilio, siè con donna Menega, i zugolari con otto puti e pute, siè pute con la noviza.


	Atto I

	Zilio inamorato vien in sena, et cantando, et contrastando da per sé che cosa è amore, tandem se mette a cantare una canzon che dice: “Vedo la casa e non vedo l’amore”, et finita la canzon dice lamentandose.

	ZILIO
	Oh, maleto sea Amore,
	ello e chi l’ha impolò,
	perqué ello m’ha sitò
	d’uno de quî suò bolzon
5	derto puorpio in lo magon
	de una gran sbolzonà,
	e tocò anchora non ha
	quella cagna traitora,
	quella che de hora in hora
10	me va sempre tormentanto.
	Oimè, a’vago smanianto
	com farae puorpio un can.
	Da sera né da doman
	cato armielio o arposo mè:
15	fremamen a’sgangirè,
	dige, presto presto presto.
	NALE
	Zilio frello, a’son moesto
	a piatè del to lamento,
	perqué zà pezo a’te sento
20	borrezare de chialò.
	Te m’hexi sì revoltò
	cuore e bati col magon
	che da duogia e compassion
	no posso tegnirme in pe.
25	A’te zuro a la mia fe’,
	com te sentî a lomentare,
	a’te vini per aiare.
	Te sè ch’a’te vuogio ben.
	ZILIO
	Nale frelo, veramen
30	te me veresi morire
	o chivelò a sgangolire
	per tanta smagna ch’a’g’ho.
	A’sento che ’l m’è bel e andò
	el cuore zo int’ol polmon;
35	sì me sbrombola el magon
	com fa puorpiamen l’agosto
	un tinazo pin de mosto;
	sì m’è vegnù un stornimento,
	na corbara e un spavento,
40	una duogia e un incendore.
	M’è deviso da tutte hore
	che eba una imbastia in la panza
	o una gran botta de lanza,
	che passe da l’altro lò.
45	So che a’morirè chialò
	se ’l no m’aìa la Betia,
	perché l’è stà cao e via
	de tutta mè sta segura.
	NALE
	Duoh, Zilio, no haer paura
50	de morire de sto male,
	che l’è cosa snaturale
	de zascun homo vivente,
	perché tutti certamente
	el scon provar una volta,
55	ché in questo el ge ven tolta
	lì la nostra lubertè;
	mo a’spiero che te harè
	tutta la to intincion,
	siché sta’saldo, predhom,
60	no te voler desperare.
	ZILIO
	Eh, Nale, sto to zarlare
	gozo no me desmagona,
	né a’cherzo che ’l sea persona,
	ben che te ’l fè naturale,
65	che eba provò tanto male
	quanto mi desgratiò;
	e s’te l’havissi provò
	tanto com he provò mi,
	ti no dirissi cossì,
70	né speranza g’haverissi,
	nian mè ti cherzerissi
	d’esser desdeliberò.
	NALE
	Oh, Zilio, a’l’he provò
	zà an mi ste sbolzonè,
75	né a’criti guarir mè,
	mo pur al fin ho habù
	tutto quel che ho vogiù,
	e son romagnù contento
	e insù de quel pimento,
80	desliberò d’ogne male.
	ZILIO
	Voltate mo indrio, Nale,
	vé el nostro Bazarello.
	Que vètu fazando, frelo,
	cussì in priessia de chì via?
	BAZARELO
85	Die v’aìa, compagnia.
	Von cercanto una cavalla,
	che la m’è muzà de stalla
	pur questa notte passà
	e no sè don la sea andà,
90	che a’son squaso desperò.
	E assè che a’sì chialò?
	L’havesséu vezua mè?
	NALE
	Deh, pota de chi te fé,
	zà che te vuò desperare!
95	Mato, no te faigare,
	che la dê esser tornà a ca’.
	BAZARELO
	Crìu che la se perdirà?
	NALE
	No haer paura, per to fe’,
	ch’a’t’in farae la segurtè.
	SCATI zonze e dice.
	SCATI
100	Die v’aì, o fantuzati.
	BAZARELO, ZILIO e NALE
	Ben vegne, o barba Scati.
	NALE
	Mo que andasìu fazando
	chialóndena sgrandezando
	col vostro domenegale?
	BAZARELO
105	Vuòtu ch’a’te diga, Nale?
	Ello el pò molto ben fare:
	el no ha besogno a laorare
	né d’una bena de pan,
	ché agno zorno da doman
110	te veerè in lo so cortivo
	-mandala pur a gualivo-
	ch’i ge fa tal polenton:
	no ’l segrissi co un baston,
	se te foissi da un lò,
115	chiamentre da l’altro lò.
	Vì se ’l pò andar sgrandezando.
	SCATI
	Horsù, no me andar alzando,
	che no me faissi caire.
	Sètu zò que te vuò dire?
120	T’arecorditu mo ti
	quando te menié con mi
	a disnar una doman?
	Te magniessi séese pan,
	de quigi de massaria,
125	e che te parassi via
	tre scuelle de paparelle
	e an siè de zanzarelle
	e un cain de macaron.
	BAZARELO
	E an deseotto baldon.
130	Se me arecordo? Cancar è!
	La n’è cosa, a la mia fe’,
	miga da no recordare.
	Me scoegnissi far portare
	a ca’mia con la barella!
135	S’in magnaa n’altra scuella,
	cherzo che sarae sgangù.
	Damò el me se harae batù
	un gomiero in su la panza!
	NALE
	Deh, dìme, fóla una zanza
140	o ditu la veritè?
	BAZARELO
	Mo, frel caro, cancar è
	che la fo come a’te dige!
	Morsù, basta. Mo a chi dige?
	Che fasìu chialò mè?
	NALE
145	Bazarelo, a’te ’l dirè,
	dasché te ’l vuosi savere,
	cherzo an ti n’harè apiasere:
	a’favelomo de Amore.
	BAZARELO
	O laldò sea el Segnore,
150	zà che no haì altro che fare.
	Fassé miegio a lavorare
	ca perder el tempo chì.
	SCATI
	Bazarel, scoltame mi,
	gi ha fuosi gran rason.
155	A’vuò mo che gi ascolton
	quel ch’i vo dir de sto Amore,
	perqué el dà un gran dolore
	a quelù che è so servente,
	e si g’è ben puoca zente
160	che ge sippia remiliare.
	BAZARELO
	Deh, va’, pota de me pare,
	zà che dì che ’l g’è Amore
	e che ’l dà sì gran dolore!
	ZILIO
	Sì che ’l g’è, mo cancar è!
165	Tu no l’hesi provò mè?
	BAZARELO
	A’no l’he provò mi, no.
	A’he sempre delezò
	questa biestia salbega.
	Cancaro el magne, cibega,
170	e lo so inamorare!
	A’no ’l pussi mè provare,
	né quel che ’l sea non so.
	ZILIO
	Ben questo è el fatto to.
	Mo no te in vegna gnian vuogia,
175	che, s’te sentissi la duogia
	che per questo amor a’g’ho,
	o s’te l’haissi provò
	cossì com l’ho provò mi,
	te zuro al sangue de mi
180	el t’in vegnerae piatè.
	BAZARELO
	Sètu, frelo, com la è?
	S’te n’haissi pan a ca’,
	nian del gran, com che tu ha,
	te anderae l’amor da un lò.
	ZILIO
185	Te vuosi pur dir la to.
	A’te digo, Bazarello,
	che a’g’ho un gran martelo,
	tal ch’a’me sento morire.
	BAZARELO
	A’t’insegnerè a guarire,
190	s’te toissi el me consegio.
	Fremamen non g’è de megio,
	s’te farè quelo che a’vuò.
	ZILIO
	Dolce frel, dìme a che muò
	tu vuosi ch’a’me governa,
195	ch’a’te zuro in sempiterna
	vuogio esser to serviore.
	BAZARELO
	S’te vuò slibrarte d’Amore,
	te besogna, Zilio frelo,
	un manego de martelo
200	e cazartel po in lo culo.
	ZILIO
	Mo vìtu ch’a’me dezulo?
	Càzame mo el naso to,
	e sì vederesi po
	se per amor se ha gran duogia!
	BAZARELO
205	Te me farè vegnir vuogia
	sì da riso de cagare.
	Deh, vate pur a negare,
	fuor de senno e d’intelletto!
	A’dige che a bel deletto
210	tu te apigi al to pezore:
	per voler seguir Amore
	te hesi tutto mè sto male.
	ZILIO
	Bazarelo, ’l è chì Nale,
	ch’elo l’ha ben an provò.
215	Tien pur fremo inchindamò
	che l’amore è snaturale.
	BAZARELO
	Va’t’apica ti e Nale!
	S’a’’l foesse com te dì,
	a’g’in sentirae an mi,
220	no farae quel che ho da fare.
	S’te atendissi a lavorare,
	te no senterissi Amore,
	né dirissi el dà dolore.
	A sangue de san Broson,
225	s’te foissi mo in preson
	sì com a’son stò zà mi,
	Zilio, cherzime mo a mi,
	te anderae l’amor da un lò.
	ZILIO
	Te vuosi pur dir la to.
230	A’te dige che ’l è un dio.
	Sempre mè el se porta drio
	l’arco con i suò bolzon.
	Va sitando in lo magon
	mo a questo mo a quello
235	e puorpio com fa un osello
	porta l’ale sempre mè,
	e sì ha gi uogi abindè,
	e va sempre nù per nù.
	A’te dige a’l’he vezù
240	volte assè co a’dige mi.
	NALE
	Poh, non l’he vezù an mi
	de le fiè purasè?
	A’te zuro per mia fe’
	’l è cossì verasiamen.
	BAZARELO
245	Pota, a’dìu verasiamen
	tal parlar desmesurà
	ch’a’cherzo che ’l no starà
	fremamen in un gran botazzo!
	Nian cherzo che ’l sea tinazzo
250	che ’l poesse tegnir mè!
	Ma dìvu che sempre mè
	el porta l’ale da ol lò
	com che ’l foesse un buzò,
	e l’arco co i suò bolzon
255	puorpiamen com nu a’porton
	quando andom a betuzare!
	E po a’dì che ’l suol portare
	questo Amor gi uogi abindè:
	a scarpaza vu vossé
260	che ’l zugasse co i tosati!
	Duosà, poveriti mati,
	com a’vezo che a’sì.
	E po anchora vu disì
	che ’l va tutto nù per nù.
265	Cherzo che l’haì vezù
	ben davera in lo bocale!
	E anchora, che è ben pi male,
	dìu che ’l è dio e signore,
	e po a’dì da tutte l’hore
270	che ’l va sempre sbolzonando,
	a’dìvu che ’l va sitando
	a cescun homo vivente,
	e mi a’n’he sentì niente
	zà che ’l m’habie sbolzonò.
275	Mo no m’havesse pi dò
	in sto mondo altra persona!
	La sarae stà ben bona.
	Se ’l no foesse stò una fià
	che ’l me dé una sbolzonà
280	quelù in lo culo cagando.
	No me vegne pi tragando.
	Cancaro ge vegnerà,
	el me dé una sbolzonà!
	Mo in tutto a’no perdî,
285	perqué, friegi, e’g’aguagnî
	pur amanco quel bolzon,
	che quel puovero menchion
	non l’olsà vegnir a tuore.
	ZILIO
	No trà in lo culo mo in lo cuore!
290	Sètu, ch’a’te ’l vuò pur dire,
	questo ’l fa per no falire,
	che la bota no se perda.
	BAZARELO [...]


	Atto III

	NALE
	O puti, vu andè in là?
	Moa, andè pur in bonhora.
	ZILIO
	A’no ge veéa mè l’hora,
	dige, che gi andesse via.
5	O Betia, o Betia,
	te me magni pur el cuore!
	Oh, col mal de l’ancicuore,
	chirtu l’heba habù piasere?
	NALE
	Pota, el n’è minga da creére!
	ZILIO
10	Critu la sea pi abavà?
	NALE
	Tegno la sea armilià.
	ZILIO
	Che, per questo che haon fatto?
	NALE
	Mo te me pari un gran mato.
	ZILIO
	A’te dige mo mi, Nale,
15	che per questo gnian del male
	ch’a’g’ho a’non son guario.
	NALE
	Mo a’te zuro in fe’de Dio
	a’fazo quello che a’sè fare.
	Horsù mo, vogion andare
20	chivelò al so canaro,
	ché, al sangue de san Slazaro,
	ge favelerè per ti?
	ZILIO
	Mo sì mi, sì mi, sì mi.
	NALE
	Mo su, cancaro, andagon.
25	A sangue de san Brison,
	a’ge la slainerè,
	a’te dige, con se dê,
	sì che la m’intenderà.
	Buta gi uogi in za e in là
30	s’te veissi vegnir zente,
	e si i ven, incontenente
	fàmelo presto avisò.
	ZILIO
	La è ponto ive al canolò.
	NALE
	Sì? Bona sera, Betia.
	BETIA
35	Ben vegne sta compagnia.
	NALE
	Dìme, èla mo stà bella,
	dolce cara la me frella,
	la matinà ch’aon fatto?
	BETIA
	Per certo quel fantuzatto
40	si g’ha pure un bel tenore.
	NALE
	Te sè dire che ’l fa anore
	a tutto ’l so parentò.
	BETIA
	A la fe’quel altro po
	el g’ha cossì bel soran
45	com che sipia sul Pavan!
	I la smenuzola ben.
	NALE
	Horsù, a’vuò che lagen
	sto cantare un puo’da man.
	Doh, puol fare el mal drean
50	che chi de cuor t’è serviore
	e te porta tanto amore,
	che te no ’l vuogi veére,
	e che t’habi pur piasere
	de farlo cossì stentare?
55	Zuro al sangue de me pare
	che te sì pur despiaséole.
	BETIA
	No son minga despiaséole
	con quigi ch’a’vuoge mi,
	mo a’ge son ben con chi
60	no sa fare el fatto so,
	ch’è puoco lunzi de chialò.
	NALE
	Deh, dìme, cara Betia,
	dìlo pur realmen via,
	mo perqué no vuòtu Zilio?
	BETIA
65	A’no vuoge ben a Zilio
	perqué che ’l no fa per mi.
	NALE
	Com che el no fa per ti?
	Mo te no l’he zà provò!
	BETIA
	E’no l’he minga provò
70	e gnian el vuogie provare.
	NALE
	Se te ’l volissi provare,
	el farae ben per ti.
	A’sè ben che a’dige mi,
	chérzimelo mo, Betia.
75	El sta ben in massaria,
	no te mancherae gniente
	BETIA
	El besogna ch’a’’l stente
	s’elo se vuol mantegnire.
	Nale, Nale, no m’in dire:
80	el n’è hom da mariare.
	Deh, no me far rasonare.
	Vìtu che ’l n’è scazzonò?
	El è puorpio com è un bo:
	no sarae cavar i dente,
85	dige, d’un ravo bogiente.
	A’vorave un hom scaltrio,
	travagiente e ben compio,
	che foesse praticazon,
	azò que el foesse bon
90	an per farme trionfare
	e lagarme an saciare
	a mia vuogia i me apiasere.
	A’te farae an mi veére,
	s’a’trovasse un co a’vorae,
95	se an mi a’saerae,
	dige, esser bona mogiere.
	El sarae un bel piasere
	a veérme smassarizare.
	Guarda te me veisi stare
100	col culo troppo asentà,
	ma mo in qua e mo in là
	a far quel che se dê fare,
	perqué a’no porae durare
	far com fa de l’altre assè,
105	che, com ti anche te sè,
	co le peta el cul sul scagno,
	ge vorae ben bon guagno
	che le se moesse pi,
	e mo, co a’te dige, mi
110	sarae tutta a la roersa.
	Duoh, che me vegne la fersa,
	se poesse star frema mè!
	NALE
	Veh, Betia, te me vè
	per carezà, se Die m’aì.
115	El doere è an ben cossì.
	Se nu marii se stenton
	per vu, no è anche raxon
	che fè per nu an vu el devere?
	A’vuò dir de me mogiere.
120	Com che l’havi al primo trato,
	la stasea del bel pato
	vuogi frema o apuzà
	o in cuzolon o acolegà
	senza tuor laoriero in man,
125	e s’el no me magne i can,
	che da ira e da dolore
	me fea vegnir i suore,
	a veérla desenga, da morte.
	Infin me missi a la forte:
130	com la no volea fare,
	la comencî a tambarare
	sul scorguzo da baron.
	El tambarare fu sì bon
	che l’è fatta fiera fante.
135	Son pur an gagiardo e aiante:
	la fa adesso pi ca mi!
	BETIA
	Mo vìtu, se fa cossì.
	A mi no acazerà a dare,
	ché he massa vuogia de fare.
140	Catàsio cossì bon mario!
	NALE
	A’te zuro in fe’de Dio
	Zilio è un hom da ben;
	sì stassé a un pur ben,
	tutti du sì d’una etè.
145	Ti, Betia, a’sè che te he
	deseotto agni a intrar de questo,
	e an ello presto presto
	sto marzo che vignerà
	artanti el ge n’haverà.
	BETIA
150	Te he pigiò un puo’massa in su.
	NALE
	Mo a’g’ho pur sempre aldù
	dire a to pare e to mare
	che puorpiamen a l’intrare
	de questo tanti te ne he.
155	Orsù, a’vuò che ve apetè
	e te promitti a Zilio chì.
	Fa’pur co te dige mi,
	che te sarè ben marià.
	No te g’harea consegià,
160	se ’l no foesse bon per ti.
	Chérzimel, Betia, a mi,
	che ’l è mo bon laorente
	e an po bon faigente,
	e sì è an zovene e san.
165	No te mancherà mè el pan.
	BETIA
	Smaravegio del fato to.
	Nale, le femene vo
	anche altro ca vin e pan.
	A’dige che a’vogion an
170	carne fresca e altro po.
	Sètu que dise e ’l Gesiò?
	No de sol pan vivite l’homo.
	NALE
	Te dì el vero da perdhomo.
	Mo sta’un puo’sora de mi:
175	’l è hom, co te sè an ti,
	no te porà mè mancare.
	No vuò dir che ’l posse fare
	com farà un rico e possente,
	ma cossì co da bracente
180	el no te mancherà mè.
	BETIA
	A dirte la veritè,
	Nal, Zilio no fa per mi,
	perqué, com te dì an ti,
	’l è un puovero bracente.
185	El besogna ch’a’’l se stente,
	se el se vo mantegnire;
	po, co ’l anderà a dromire,
	perqué el serà stracò,
	serà de fatto azoccò
190	per la faiga del dì.
	Mo a dirtela mo mi
	a’no vorave a sto muò,
	mo a’vorave ben mi puo’
	che ’l stesse dìssio assè:
195	da resonar no manca mè
	de quelo che se ha da fare,
	dige, chi vuol far andare
	le so cose com le dê,
	metter di gi urdini assè
200	per far bona massaria.
	Saì perqué? Per altra via
	nian d’altra hora del dì
	el no se pò far cossì
	nomè la sera o la doman,
205	po per tempo el besogna an
	el vage presto a laorare.
	E’ho piaxer de sfiabezare.
	Nu femene seon cossì.
	El sarà straco el dì,
210	’l harà scognù lavorare;
	quando a’vorè sbertezare,
	’l harà altra voluntè.
	ZILIO
	Al sangue, pota chi te fé,
	a’te prometo a la mia fe’
215	de far quel che te vorè,
	s’a’me doesse ben spalare.
	BETIA
	Mo te no ’l porissi fare.
	Critu che no sepa che
	te prometerissi assè,
220	no me attenderissi po?
	Sè quel che saer se pò
	com che huomeni a’fè,
	dige, com a’sì strachè,
	se ve pò ben spontignare.
	ZILIO
225	Duosà, pota de me pare,
	starae de dromir tri dì
	pur per rasonar co ti!
	Ston la notte de chì via
	per veér s’te vuò vegnir via,
230	sempre senza mè dromire,
	che a’no me sè departire
	fin che la stella Boara
	lieva, et ti bona massara
	te te stè ben a dromire.
235	Guarda se a’porae sofrire
	dromir co fosse a pe de ti.
	Starae sempre cazò in ti
	per sentirte a rasonare.
	BETIA
	Zilio, no me insegnare:
240	presto ti te stuferissi,
	gnian saer que te vorissi
	da insorimento de mi.
	Vu huomini a’fè cossì.
	Chi ve sente a rasonare
245	a’par che dobiè crepare
	com volì una de nu;
	e po, com n’haì habù,
	a’ne tegnì per schiavaze
	e da piezo ca scoaze,
250	com un bocal da pissare,
	che, com el se vuol ovrare,
	el se ten ive da ol lò,
	e com el se ha ovrò,
	se porta de fatto via
255	per tal muò e per tal via
	che no se senta el puzore.
	E questo è el vostro amore.
	Mo nu a’no fazon cossì:
	sempre mè de dì in dì
260	el ge cresse e ven maore.
	ZILIO
	A sangue de l’anzecuore,
	Betia, s’te me torè mi,
	me cresserà de dì in dì.
	Te ’l veerè verasiamen
265	s’a’t’he un hom compì e da ben,
	a’dige, bon bon mario.
	Priego per l’amor de Dio
	te no me faci crepare,
	che a’me sento serare
270	el bati dentro infra i buegi,
	che i par puorpio piviegi
	che i sgrìzole per dolore.
	Oh, dolce mia bella serore!
	Oh, uochi de sole inrazè!
275	Oh, massele inverzelè
	pi che persuto salò!
	Oh, denti da ravolò!
	Oh, lavri! Oh, boca inmelata!
	Oh, persona anzilicata
280	de robini e d’ariento!
	Tette, che farae contento
	per grandezza agno vacaro.
	Oh, piè biè da vetolaro!
	Gambe grosse! Oh, bel lacheto
285	tondo, grosso, bianco e neto!
	Agnhom è burto a pe de ti!
	Chi no starae mo tri dì,
	per veérte, pur magnare?
	Oh, spalle belle, da portare
290	oltra el mar Domenedio!
	Oh, pieto bianco e incolorio
	com fo mè ravo lavò!
	Corpo giorioso po,
	braze da sappa o baile!
295	Oh, man, da lavar ben mile
	bugè ben grande int’un dì!
	Orben, co farègie mi?
	Me volìu mo aigiare
	o lagarme chì crepare?
300	A’no ve vuò mo dir pi.
	NALE
	Horsù, Zilio, fatte chì.
	La farà com te vorè.
	Betia, te no troverè
	mè mè pi sì bon mario.
305	A’vuò mo per amor mio,
	seror cara, che te ’l tuogi.
	O vuogi mo o no vuogi,
	forza è che ve prometì,
	e mi a’te prometto a ti
310	che du marì te haverè.
	Guarda pur mo s’te sarè,
	dige, ben ben marià.
	Te no harè besogno zà.
	Mi a tutto el me poere
315	co presto te farè veére,
	no te lagerè mancare,
	com purpio a’dorae fare
	d’incontra a la me mogere.
	BETIA
	Pota mo, te he mogiere,
320	te no può far con te dì.
	NALE
	Laga pur l’impazo a mi,
	che a’farè el me debito.
	Moa, quel che è dito è dito,
	a’’l dege far per ste rason:
325	prima è che a’son stò cason
	che facè sto mariazo,
	l’altra per mia fe’a’’l fazo,
	ché a’vuò ben a Zilio chì.
	ZILIO
	Nale, gran merzè a ti.
330	Te he ben l’incontro, a la fe’,
	perqué tutto quel che è me
	è an artanto mè to.
	BETIA
	Horsù, Nal, per amor to,
	e po an per Zilio chì,
335	a’ve vuò prometter mi,
	cossì a’ve dago la man.
	NALE
	E nu te la dagon an
	de no te lagar mancare.
	Mo dìme, vuòtu mo fare,
340	an, Betia, co a’te dirè,
	che male te no farè?
	Vié via adesso con nu,
	perqué, per quel che he sentù,
	to mare no ’l vorà mè.
	BETIA
345	Te dì ben la veritè,
	la no ’l vo aldir menzonare.
	ZILIO
	E perzò quel che è da fare
	fazonlo, Betia, de fato.
	BETIA
	El sarà pur un burto ato
350	andar contra so voluntè.
	NALE
	Deh, pota de chi te fé,
	a’te saràlo ben d’anore!
	Parerà che per amore
	te sî marià da per ti.
355	In lubertè Dio ha fato an ti
	e ti no la vuosi ovrare?
	No ’l far, te ’l farè scorezare,
	ché questa è cosa beneta.
	BETIA
	Moa, a’volì ch’a’me neta,
360	e cossì sea in bonora!
	ZILIO
	O Dio, ch’a’no vego l’hora!
	Penso te no vegnerè.
	BETIA
	Eh, se Die m’aì, sì farè.
	Vago a tuor le me gonele
365	e no sè que besenele,
	e a’vegnerè int’ogne muò.
	NALE
	Tuo’pi roba ch’a’te può,
	ch’a’la porteron nu po.
	ZILIO
	Nal, te sì pur scozonò,
370	bon amigo, a la mia fe’.
	NALE
	Zilio, a’fazo con se dê
	per un amigo com t’iè ti.
	ZILIO
	O Dio, ch’a’no cherzo pi
	poerte mè armeritare.
	NALE
375	Su, lagonla pur andare,
	ch’a’no vuò ninte da ti.
	In questo mezo la madre de la Betia la cerca in casa e non la trovando dice.
	DONA MENEGA
	On morbo è cazà sta scova?
	Onve se èla andà imbusare?
	Diavol, no la sè trovare.
380	Betia, che te dea el malan!
	BETIA
	Che volìu, mare, an?
	DONA MENEGA
	Hetu fato rave a i puorci?
	BETIA
	Sì, che maleto sea i puorci,
	a’me hegio an ben brovò!
385	Morbo, i m’ha roversò
	la caldara suso i piè!
	DONA MENEGA
	Te pàrela mo che t’iè,
	dige, una puta da ben?
	ZILIO
	Oh, Nale, la no va ben,
390	ché la no porà vegnire,
	zà que a’ge sento dire,
	frelo, che la s’ha brovò.
	NALE
	No vìtu, mato spazò,
	che la ’l fa a bel deleto,
395	a’te dige, per far neto
	el tratto che la vo fare?
	DONA MENEGA
	Mo che diambra stètu a fare?
	Da’a magnare a quî ponzin.
	Mitti sotto i picenin
400	de la criola pel buzò.
	Aeh, aeh, aeh, oh.
	Te par che ’l ge n’ha tolt’un?
	BETIA
	No ge n’ha tolto negun
	no elo, ’l ha habù paura.
	DONA MENEGA
405	Duoh, te vegna quella dura
	fitta morte che te tuogia!
	El me ven la bella vuogia
	darte diese scopelon!
	Che fètu ive a cul buson
410	al cofano a travasare?
	BETIA
	O mare, a’vorae trovare
	da inroegiar la scotaura.
	ZILIO
	Nale frelo, a’he paura
	che la se heba pur scotò.
	NALE
415	Moa sì, la se ha cagò!
	Te dige che la fa el gaton
	per far con megior rason
	la levà con el fassetto.
	La vuol far el trato netto,
420	mo la tuol le so gonele.
	BETIA
	Mare, uh, el m’è andò via la pele,
	a’son tutta desolà.
	DONA MENEGA
	T’he el bel mal. Sìtu inroegià?
	BETIA
	M’inroegie tuta via.
425	A’’l no g’è pi muò né via
	che a’possa caminare.
	DONA MENEGA
	A’te vegnerè a meegare
	co a’cazo fuogo in forno chì.
	BETIA
	A’me miegerè ben mi.
430	Scaldè pur el forno, vu.
	ZILIO
	Nale frelo, hetu aldù,
	a’dige, che la g’ha male?
	NALE
	Medio, sì la g’ha un bocale!
	Betia vien al canaro e dice.
	BETIA
	A’vegno adesso adesso via.
435	A’me vo metando in via
	de far su un bel fassetto.
	A’’l farè mo netto netto.
	Doh, lagè pur far a mi.
	NALE
	Vuòtu mo che vegne an mi,
440	che m’in farè un bel marchetto?
	A’farè ben presto netto
	quanti cofani è in ca’.
	BETIA
	No, no, che a’no vorà
	che te foìssi vezù.
445	A’vegno adesso adesso a vu.
	ZILIO
	Pota mo, l’è scazonà!
	NALE
	Chirzi che la è tirà,
	a’te dige, mo da i can.
	ZILIO
	Mo me vegna el mal drean
450	s’a’no crêa l’haesse male!
	DONA MENEGA
	O figiuola, hetu gran male?
	Butate ive sul letto.
	Duosà, che sea maletto
	i puorci e chi gi ha impolè!
	BETIA
455	Oimè, mare! Mare, oimè,
	a’ge son colegà ampò!
	M’è doviso haver cazò
	t’ol pe diese scataron.
	DONA MENEGA
	Co ho rivò sto foregon
460	po a’vignerè da ti.
	No posso lagar cossì
	el forno e non furegare.
	Se ’l pan ven a stralevare,
	no sarae po da can?
	NALE
465	A la fe’, per altra man
	farà furegar ca per ti!
	Voltado in là dice:
	NALE
	Ge ’l furegerè an mi
	a pur che la vegne via.
	Te hogie su la bona via,
470	an, metù? Vala mo ben?
	ZILIO
	Adesso a’te vuogie ben
	da frelo, caro el me Nale.
	NALE
	O Zilio, te vegne el male,
	t’harè una bella fantaza!
475	Chirzi che per na putaza
	no porissi megiorare.
	Te sè dir la sa menare
	la gramola col devere.
	Cancaro, la ge dê havere
480	ben le belle gambe grosse,
	che la dê haver le suò cosse,
	se Die m’aì, co a’son mi chì. (E tocasse el traesse.)
	ZILIO
	L’è gran cosa! E’dige, an pi!
	NALE
	E l’è gagiarda e potente.
	ZILIO
485	L’è puorpio da brazente.
	NALE
	Horben, Zilio, la va ben,
	che a’vego che la ven.
	ZILIO
	Oh, laldò sea el Segniore!
	Vié via, andagon, serore.
	BETIA
490	Andagon pur in bonhora,
	che a’no vego mè quel’hora
	vêr com te me traterè
	e che homo che t’iè,
	quel te m’he prometù mo.
	ZILIO
495	Toh, se a’no te trato po
	sì con te voresi ti,
	vuò te muci via da mi.
	BETIA
	Aldi, no me l’insegnare,
	che a’’l saverè ben fare.
	NALE
500	Te he portò asà besenele.
	Dàme an mi de ste gonele,
	che son aseno da basto.
	BETIA
	Sì, mo te hesi forte guasto
	e sbrogiò an ben la schina.
505	Moa, tuo’su sta ramina,
	sto brondin, sto cavazale.
	ZILIO
	Duoh, Betia, pota del male,
	mo càrgame un puo’an mi!
	BETIA
	Moa, Zilio, tuo’an ti
510	sti ninzuoli e sta perponta.
	Sóngie mo, s’a’giera onta,
	dige, con bon muò nettà?
	Mia mare crê che abroà
	a’sea e colegà in letto.
	NALE
515	Cancar, t’he fatto fassetto!
	Che ficial sarissi stò!
	ZILIO
	A’cherzo che te he portò
	chive la massaria tutta.
	NALE
	Te sì pur la da ben putta,
520	mo letto te n’he portò.
	BETIA
	Nale frelo, a’m’he cargò
	quanto mè ho possù portare
	e per no ’l posser levare
	l’he lagò in la malhora,
525	ch’a’no vedea mè l’hora
	de far mazzo e tuorme via.
	Ma che diebia mo andar via
	senza dir ninte a me mare?
	No porae mè durare.
530	No vuò vegnire, a la mia fe’.
	ZILIO
	Betia cara, per to fe’
	vié via, no me far crepare!
	BETIA
	Dige, a’no ’l porae mè fare.
	No m’in dir, no m’in dir pi.
	NALE
535	Zilio, deh, potta de mi,
	pigia de là. Andon, s’te vuò.
	BETIA
	Nale, no se fa a sto muò.
	Me volì tonca sforzare?
	A’me meterè a criare,
540	per Dio, se no me lagè.
	NALE
	Deh, potta de chi t’impolé,
	camina e tasi mo s’te vuò!
	BETIA
	Mo sù, a’farè a vostro muò,
	daspò che a’volì cossì;
545	e zà che e’no posso pi,
	che son chì in le vostre man,
	metìme mo a sacoman,
	fè piezo che saì mè,
	me haì in vostra lubertè.
	NALE
550	N’haer paura zà, Betia,
	te prometto a la fe’mia
	t’iè com s’te fussi a ca’to
	o in mìgola mezo el sagrò.
	Mo fremate un puo’con mi,
555	nanzo se parton de chì,
	che sbraton una noella
	fuosi per tutti non bella.
	Zilio, sètu com l’è?
	ZILIO
	Mo no mi che a’no ’l sè.
	NALE
560	A’vuò che per ogne muò
	a’conzon sto papolò
	e inrovegio intra mi e ti,
	che te ’l sexi ben an ti.
	ZILIO
	No me sarà mè pensare
565	che è tra nu da scategiare.
	NALE
	Mo te ’l saveresi ben.
	Se a’no te volesse ben,
	no farae quel che a’dirè.
	A’cherze ben che te sè
570	che assè inanzo ca ti
	a’giera mi, Nale, mi
	namorò chì in la Betia,
	e po mè no me insia
	del magon né insirà
575	inchina che Dio vorà.
	Se per bontè mo te vuò,
	se no a’’l farò a un altro muò,
	perqué inanzo l’è stò mia.
	E’t’he metù in su la via
580	de agno cosa, com te sè.
	Te no l’harissi habua mè,
	s’a’no fosse stò con ti.
	Vuò te me la lagi a mi.
	ZILIO
	La lage a ti? Cope fiorin,
585	te serissi zazerin,
	ch’a’te la lagesse mè!
	Trògnitu, per la to fe’?
	Mo che te sìntio mè dire?
	NALE
	A’no trogno, el torno a dire.
590	Intiendi che, s’te no ’l farè
	da amigo, com far se dê
	e com a’farae an mi
	chindamò contra de ti,
	tuòtel mo de fantasia
595	de menarla de chì via,
	dige, via de chialò,
	perqué fin che harè fiò
	zà te no la menerè.
	E a sto muò a’farè
600	che te no l’haresi ti
	né nian l’harè po mi,
	e questo te guagnerè.
	ZILIO
	Deh, pota de chi me fé,
	Nale, che te sìntio dire?
605	Chirzi te me fe vegnire
	de la morte i biè suore.
	E questo tonca l’amore
	che te me he sempre mostrò?
	No sè zà che inamorò
610	te sii stò in la mia Betia.
	Mo l’è una fantasia
	che te t’he metù in la testa.
	Questa è ben na bella festa,
	ché l’harè mi menà via
615	e ti vorè po la Betia?
	No fo ditto a far cossì,
	la n’anderà com che te cri,
	vuò per mi questa pastura.
	No me crer zà far paura,
620	che negun me la fé me.
	Deh, pota de chi te fé,
	mo no n’hetu consientia?
	BETIA
	Nale, mo que deferentia
	è quella ch’a’sento tra vu?
625	No m’haìu prometù
	mo tutti du de esser un,
	e che infra de vu agnun
	si sarà me bon mario?
	No vegnìa altro partio.
630	No me ’l volì osservare?
	Pota, a’ve volì amazare,
	sì no seon anchora a ca’!
	Andon pur via, andon pur là,
	la concerom po ivelò.
635	No stagon tanto chialò:
	me mare dê vegnir via.
	Se i ge truova in su la via?
	Caminè pur, andagon.
	Dona Menega in casa.
	DONA MENEGA
	He pur brusò sto foregon.
640	Betia, che fetu, figiuola?
	Vegno adesso, raisuola,
	pasientia per to fe’.
	Adesso te meegerè,
	te serè presto guaria.
645	Druòmitu ti, an, Betia?
	Betia, scitu adromenzà?
	Vuò pur vêr zò que la fa
	questa mia puovera puta.
	Olà, sìtu sorda o muta?
650	Betia, on sìtu cazà mè?
	Pota mo de chi te fé,
	te no sì in leto! Betia?
	UN PUTO
	Mare, a’l’he vezù andar via
	con du huomeni in là,
655	e la giera caregà
	de purasè besenelle.
	L’hea un gran fasso de gonelle,
	la no le possea portare.
	DONA MENEGA
	Mo che sìtu stò a fare
660	che te no l’he ditto, di’?
	Oimè, trista e grama mi,
	Menega desconsolà!
	Dìme, on èla andà? In qua?
	EL PUTO
	Sì, in qua, sì, mare, sì.
	DONA MENEGA
665	Grama e dolorosa mi,
	questie si è andà via!
	Morbo te vegne, Bettia,
	mo te me l’he pur calà.
	Su via, vegnì fuor de ca’
670	che andagon a catar sta scrova.
	Ge vegne ’l mal de la lova,
	zà che me ’l pensava ben
	che un dì a quest’a’sassen.
	L’ha sapù far el gaton.
675	Andagon via, andagon,
	i no pò esser troppo in là.
	Vîgi, vîgi ch’i gi è là!
	Brigà, brigà, corrì, corrì,
	corrì presto che gi è chì,
680	gi è chì quisti traitore.
	Ge farem mo quel anore
	puorpio com gi ha merità.
	In questo sono a le man e ge la toleno, et la madre dice.
	DONA MENEGA
	Oh, che fustu mo apicà,
	putanela che te sì!
685	Vien, vien chì, vien chì, vien chì,
	che a’farem mi e ti rason.
	Duoh, ch’a’te vegne el carbon,
	la stranguòria e ’l mal drean,
	la sitta, el fuogo zamban
690	e l’ancecuore in la vita
	con el mal de la strafita,
	burta soza putanella!
	Di’, te parsela mo bella
	d’andar via a questo muò?
695	Cri mo che int’ogne muò
	te mazerè con le me man.
	BETIA
	Duoh, potta del mal drean,
	que hegio fatto che me dè?
	DONA MENEGA
	Anchora te sgnicherè?
700	Zò che t’he fatto, te dì?
	BETIA
	Mare, mo no me dè pi,
	per mia fe’n’haì rason.
	DONA MENEGA
	Scroa, che a’no he cason?
	BETIA
	Mo a’no me doì dar zà
705	perqué che sea marià.
	DONA MENEGA
	E per questo aponto a’’l fazzo.
	Te hesi fatto un bel mariazzo.
	Te par che ’l me sea d’hanore?
	Che te vegne quii dolore
710	che te possi crepar chì!
	Dìme mo, èl hom per ti?
	Se dê far mo a sto muò?
	BETIA
	Mare, mo aspitè un puo’
	e intendì le me rason.
715	A’vedì pur che a’son
	de uossi e carne com a’sì vu.
	Quel ve sape bon a vu
	sì me piase mo an mi,
	tanto pi, com vu saì,
720	perqué la rason el vo.
	Mo perqué m’haì impolò?
	Perqué che ’l ve sappe bon.
	A’ve dige, tutti seon
	de una pasta impastè,
725	e per questo no me dè.
	Se dì che ’l no fa per mi,
	ve respondo an ch’haì
	anchora manco rason,
	che doessé tegnirve bon:
730	n’harì briga d’indottarme
	né doxento lire darme
	com me hassé scoegnù dare,
	né harì po briga de fare
	per mi né noce né feste,
735	nian cotole o veste.
	DONA MENEGA
	Te te n’he fatto un marcheto!
	Sè che t’hai fatto netto
	tutto mè el bon de ca’.
	BETIA
	Mo a’me l’he ben an guagnà!
	DONA MENEGA
740	Sì, in lo cul, che ’l no g’è osso!
	Per dio, se te salto adosso,
	te magno el naso co i dente.
	Putana, scrova da niente,
	col culo te l’he guagnà!
745	Guarda anchora la vorà
	soperbia, sta scrovazola.
	Vîu, l’ha guagnò brasola!
	Dège zozolo a la fante,
	che la s’ha trovò un furfante.
750	Oh, malan te dage Dio!
	BETIA
	Una fià ’l è me mario!
	L’è vera che ’l è bracente,
	che ’l besogna che ’l se stente
	se ’l se vorà mantegnire;
755	mo, mare, a’ve sè ben dire
	che sempre mè no se pò
	a catar zò que se vo.
	’L è zoven, com a’saì,
	’l è miegio che ’l stente el dì
760	che ’l me faze..., intendì ben.
	E sì, se guarderì ben,
	negun muor da fame mè.
	DONA MENEGA
	Te vuò dire che te he,
	t’intendo, fame a la busa.
765	Oh, fuogo samban te brusa,
	questo è el ravolò
	che dìvi che t’ha brovò,
	te no possivi caminare!
	A’te vuogio mo meegare
770	con un bon stizzo de fuogo,
	dasché te no truovi luogo
	per farte ben furegare.
	BETIA
	L’è gran cosa, o mare, mare,
	a portar amore a un!
775	Mo no vîu che negun
	no pò mè muzar d’Amore,
	e papi e re e signore
	e tutta l’altra zenia
	sta sotto so segnoria?
780	Son fuosi la prima mi?
	No va via tutto el dì
	questa e quella per ste ville,
	e agno anno pi de mille,
	dige, pur chì sul Pavan,
785	e va a provar altro pan
	ch’a’n’è quello de so pare?
	Mo no andassi an vu via, mare,
	seando puta, co un soldò?
	Anchora andassi via po
790	de lì a puoco con un frare,
	puoco ananzo che me pare
	ve menasse an ello via.
	DONA MENEGA
	Duoh, te vegna la stransia,
	scrova e soza putanela!
795	Te par mo che la sea bela,
	te te vuò metter con mi?
	Te no sè perqué ch’a’’l fi,
	e si ge ne havi an rason,
	ché per schivar costion
800	andî via col soldò.
	E an con el frare po
	a’’l fi per obidientia,
	ch’a’’l me fo dò in pinitincia
	de star un anno con un frare,
805	perché a’vussi tossegare
	mia mare che fo cason.
	Te non he zà ste raxon,
	te he fatto per volentè.
	BETIA
	Mare, sìvu com la è?
810	A’sì stò cason pur vu,
	ch’a’dovii pensarge su
	ch’a’giera da mariare.
	Vu no l’haì vogiù fare
	e mi a’l’he fatto po,
815	e sì me he attaccò,
	a’ve dige, a questù,
	e sì a’g’ho prometù,
	e ello de farme el devere.
	No pensè mo de volere
820	darme po a un altro mè.
	Inanzo sempre a’starè
	cossì senza tuor mario.
	E’vuò questo a ogno partio,
	se no magne mè pi pan.
	DONA MENEGA
825	Dìme un puo’, mo t’halo..., an,
	che te ge vuosi sì ben?
	Per dio, a’tegno fremamen
	che te habi habù in man
	la mescolota dal pan,
830	perzò te dì quel che te dì.
	Deh, dìme mo un puo’a mi,
	ch’hetu cattò in sto poltron,
	che ’l par puorpio un algiron
	che vegne mo dal palù?
835	No vìtu cum ’l è menù
	de le gambe e di slachitti?
	I par puorpio du stechitti
	che ge sea cazè in lo culo.
	El par puorpiamen un mulo
840	a guardarlo in lo sberozo,
	e si par an un pigozo
	a guardarlo po in lo muso,
	e la testa par un buso,
	a’dige, de quigi d’ave;
845	e gi suò dent’è da rave,
	gi uochii par co un trevelin
	forè, e ’l volto pecenin
	com che he sto pugno mi.
	Pota mo, dìme de chi
850	te te sì andà inamorare!
	BETIA
	O mare, mare, mare,
	no saì quel che mi a’sè.
	DONA MENEGA
	Eh, se Die m’aì, sì a’’l sè.
	El dê haver, an?, qualche bella,
855	no me far dir, zarambella.
	BETIA
	A’’l dige chì per dirlo a vu:
	tutti du m’ha prometù.
	Vî se a’son ben marià.
	DONA MENEGA
	No fustu pi ben travasà
860	co ben marià te sarè.
	Va’in ca’, che te insegnerè
	andar via da to posta.
	Agne muò a’son desposta
	vêr se te sè castigare.
	Qui finisse el terzo atto andati tutti in casa con le robe.


	Atto IV

	ZILIO
	Te sì stò cason ti, Nale.
	Se andaven de longo via
	senza fremarse per via,
	i no ge zonzea mè.
	NALE
5	Mo a’n’harae cherzù, a la fe’,
	ch’i doesse mè vegnire.
	ZILIO
	Sètu zò que te vuò dire?
	NALE
	Se Die m’aì, no che no ’l sè.
	ZILIO
	Te no ’l sè? Mo a’te ’l dirè:
10	a’n’harae mè crezù,
	se no l’haesse vezù,
	chi me l’haesse zurò,
	che te me havissi usò
	le parole che te sè,
15	ché per frelo sempre mè
	t’he tegnù e pi che no digo.
	Mo te no fessi da amigo
	minga per voler zercare
	quel che te volivi fare,
20	sètu, de la mia Bettia.
	Te me fiessi vilania
	e ti hesi fatto gran male.
	Zà da amigo, Nale, Nale,
	te no te puorti, a la fe’.
	NALE
25	Cancaro, que dìtu mè?
	Te me par matto spazò.
	No vìtu che a’he sbertezò?
	No disea da bon seno.
	Se te cri, te he puoco seno,
30	ch’a’no ’l diesse in sbertezare.
	Mo al sangue de me pare,
	te hesi puoca fianza in mi!
	ZILIO
	Mo, Nale, che sègie mi?
	A mi mo el me parea,
35	e po an cossì mi creea,
	che te fiessi da bon seno.
	NALE
	Pota, te he ben perdù el seno!
	No viìvitu che a’grignava,
	e sì a’la spontegnava,
40	e ella spontegnava mi
	per farte rasonar ti
	e vêr que te saivi dire?
	ZILIO
	Mo a’crêa, possa morire!,
	che te delezessi mè.
45	Mo perdoname se a’t’he,
	frelo, fuosi inzuriò.
	NALE
	Com te m’haverè provò,
	Zilio, te ’l saverè,
	dige mo, chi a’sarè
50	e an se te vuogio ben.
	Vuòtu mo che a’facen
	com che dê fare i pordhon,
	e al despetto di poltron,
	dige, che te l’haverè,
55	e po an te vederè
	se Nale te vorà ben?
	ZILIO
	Mo quel che te vuò, facen.
	NALE
	Vo che te vagi a chiamare
	senza pi indusiare
60	diese con spi e sponton,
	valenthuomeni e pordon,
	con le smagie e coracine
	e con archi e celaine,
	e dume arme an per mi,
65	perché a’starè mi chì
	de inchin che te vegnerè,
	veére se l’insisse mè
	per andar via de là,
	azò que, se andon in ca’,
70	la no ge foesse po.
	A sto muò al despeto so
	a’l’haveromo per forza.
	No gi stemeron na scorza,
	g’intreron per forza in ca’;
75	com ella ge sentirà,
	vegnirà de fatto via.
	ZILIO
	Mo su, frelo, a’vago via
	a chiamar Duozo Botazi
	e Zanin di Matarazi
80	e Basegio Pigiavento
	e barba Zanin Spavento
	e an to cosin Miozo
	e Menego Bortolozo
	e me compare Bonato
85	e Mechiele Rovegato
	e an Tofano Peron,
	so frel Ceco Mascalzon,
	Perduocimo Gambarare.
	NALE
	Guarda se te può menare
90	con igi Marco Brasola
	e an Duozo Cagarola.
	ZILIO
	Làgame pur far a mi.
	Mo aspettame pur chì
	che adesso a’vegnerè.
	NALE
95	Mo su va’che aspitterè
	e torna pesto colando.
	Se creésse andar in bando
	e de Pava e del Pavan,
	a’vuogio essere a le man
100	con quisti bichi e castron.
	Questo solo per cason
	de calargela a questù,
	zà che a’he an vezù
	che Bettia me vo ben.
105	Mi a’tegno fremamen
	che la crê haer du marì.
	La n’è, al sangue de mi,
	gnian sì matta a la reale.
	G’hala ben bon snaturale?
110	Sì che la in torae an tri,
	perqué pi ch’i fosse pi
	tanto manco i mancherae,
	tanto miegio l’haverae.
	Vuò int’ogne muò far tanto,
115	se doesse tutto quanto
	roinarme, fargel havere.
	Brigà, stè pur a veére.
	No ge ’l dì, per vostra fe’,
	che no me desconcessé
120	che n’haesse el me contento,
	perqué no semeno al vento
	mo a’sè ben o’a’tegno el pe;
	e de questo no v’in fè
	consintia neguna, no,
125	ché Zilio n’è asassinò,
	mo el doere è a far cossì
	puorpio com vuogio far mi,
	perché ’l è un menchionazzo.
	Mo ligève questa al brazzo,
130	no ve ’l desmentegè pi,
	disì che l’he ditto mi:
	con fè una noela a un menchion
	haì diese agni de perdon,
	fè far festa in paraiso,
135	l’aneme in fondo d’abiso,
	che è danè, no ha dolore.
	E questo è sol per amore
	del riso ch’ha i diavolatti,
	che i se sgrigna a muò biè matti
140	a veére ste noele,
	e perché le ge par bele
	pel rire i sta de tromentare;
	sìché ognhom g’in dorae fare,
	ch’i menchion se fesse scaltrì.
145	Deh, disìme mo un puo’chì:
	quando el trové la Bettia
	sola sola su la via,
	félo mo el mariazo, an?
	El no andarae per le mie man.
150	Horsù, mi a’son cossì fatto:
	sea mo o savio o matto,
	no posso pair sti maron,
	ché, se Dio ha fatt’un menchion,
	doere è an de inmenchionare,
155	azò no posse trovare
	cosa fatta a negun fin.
	In clusion gi è fatti a fin
	che se ge face noella.
	Mi, bon cristian, una bella,
160	se tasì, a’ge farè,
	po mi me contenterè
	s’a’creésse ben morire.
	Horsù, a’i vego vegnire,
	el n’è tempo da frappare.
165	El besognerà menare,
	friegi biegi, ben le man.
	Su, spuève su le man.
	Fève ananzo, puordhuomeni,
	se a’sarì valenthuomeni
170	adesso adesso el veerè.
	Sora de tutto fè che stè
	tutti tutti amuchià a un,
	e an fè po che negun
	si ge volte mè le spale.
	ZILIO
175	Horsù, tuo’sto speo, Nale.
	NALE
	Moa, dàmelo pur chì.
	Puti, mo aldìme mi
	e lagève governare.
	Intendì? No vogiè fare
180	se no quel ch’a’ve dirè,
	e stè co a’ve concerè.
	Va’un puo’ive ti, Marco,
	su vien oltra co quel arco,
	a’dige, a bo da man.
185	Ti, che he la balestra in man,
	va’ive a bo de fuora.
	Fatte in là pi in bonhora,
	aldi, ti, da la roela.
	Buta via quella gonela
190	ti, che hesi quel sponton.
	Vié chì, Tofeno Peron,
	fat’ananzo co quel speo.
	E po ti, che te sì veéo,
	sàpite governar ben,
195	agno muò vo ch’andagen
	a menarne una an per ti.
	M’orsù, fatte un puo’chì
	ti che hesi la ronca in man,
	trate, dige, a bo da man,
200	e vu altri conzève un puo’,
	a’ve dige con bon muò
	in stregia l’un drio l’altro
	e no ve dè un con l’altro.
	Horsù, al nome de Dio,
205	agnhom sì me vegne drio.
	Su, vegnì fuora, poltron,
	che adesso a’responderon
	e no ne farì muzare!
	Vegnì, a’ve vuogion provare.
210	Sì capellaci e sempre mè
	fussi, mo no mucerè,
	ché a’no sì buoni per nu,
	se a’fossé per agnun du,
	de penzerge no che darme,
215	che adesso haon le arme.
	DONA MENEGA
	Fuora, gi è sti traitore!
	Horsù, chi me porta amore
	tuoga arme e me vegne drio.
	NALE
	Su, tironse un puo’indrio
220	e lagongi insir de ca’.
	ZILIO
	Mo besà, besà, besà.
	DONA MENEGA
	A’ve vuò chì, traitore!
	TACIO HOSTO
	Potta de mi, que remore
	è mo quel che a’sento chì?
	DONA MENEGA
225	Tuòte mo via de chì
	per to cara fe’, Tacio.
	TACIO
	Moa, digo, stè indrio.
	DONA MENEGA
	Doh, Tacio, làgame andare.
	TACIO
	No fè, ve volì amazare?
230	E ti, Zilio, sta’da un lò.
	Pota de chi t’ha impolò,
	Nale, mo que vuòtu fare?
	Dìme, te vuòtu desfare
	e andar per sempre in bando
235	e in qua e in là malhabiando
	rabiando como un can?
	T’arecordo in sul Pavan
	che ’l ge è pur bon stare.
	Stè indrio, no vegnì, compare,
240	stè indrio, se me volì ben!
	ZILIO
	Potta, a’vuò che s’amazen!
	Vegnì via drio de mi.
	TACIO
	Su, sta’indrio, te dige mi.
	DONA MENEGA
	Làgalo vegnir, Tacio.
	TACIO
245	A’no vuogio, stè indrio.
	A’vuò conzar questa noella.
	Deh, sta’indrio, da la roella!
	Zilio, vié qua, dìme un puo’,
	e ti, Nale: a que muò
250	sìu vegnù cossì a remore?
	Sta’indrio, Salvaore,
	e lagème far a mi.
	Mo su presto, Zilio, di’.
	ZILIO
	Perché a’he menò via
255	so figiuola la Bettia,
	che la me ha prometù.
	TACIO
	Diìme, èla cossì, vu?
	Sìu per questo a remore?
	DONA MENEGA
	M’hal mo fatto un bel hanore?
260	Sì, ’l è questo, che t’in pare?
	TACIO
	Su, dona Menega, mare,
	a’vuò che la remetì
	questa deferintia a mi,
	perqué a’la vuò conzare.
	DONA MENEGA
265	Te no poresi mè fare
	che abi indrio el me hanore.
	TACIO
	Tasì un puo’per me amore
	e ascoltème mo mi.
	A’vuò che a’facè cossì,
270	che l’inzurie passè
	remetì, e che ge la dè,
	e far una bona pase.
	DONA MENEGA
	Mo no favelar de pase,
	ch’a’no ge la farè mè,
275	nian mè a’ge darè
	mia figiuola a questù.
	ZILIO
	M’orsù, m’orsù, m’orsù, m’orsù,
	m’orsù, dagon entro, Nale!
	NALE
	Aspieta un puo’, anemale,
280	sta’a vêr se te la vuol dare
	senza s’andagon amazare.
	Po, se no te la darà,
	qualche cosa se farà.
	ZILIO
	Làgame, pota de mi!
	DONA MENEGA
285	No vuò aponto altri ca ti!
	Fate ananzo, zazerin.
	TACIO
	Deh, sta’indrio, cervelin,
	e làgame far a mi.
	DONA MENEGA
	Tacio, tuòte via de chì,
290	no vuò altri ca questù.
	TACIO
	Me smaravegio de vu
	a meterve co un osello.
	On è el vostro bon cervello?
	Ve volì per sta noela
295	e per una putanela
	desfar, s’ela vuol cossì?
	Volìu ch’a’ve dige mi?
	Lagè che la se ’l galde an,
	e se la n’haverà pan,
300	el sarà piezo per ella.
	Se la no haverà gonella,
	la farà con la porà,
	basta che ela serà stà
	cason sola del so male.
	DONA MENEGA
305	Doh, Dio e san Liberale,
	con chi s’èla andà a impazare!
	La volea mariare
	in sì bona massaria
	com a’sea de chì via!
	TACIO
310	Mo habiè un puo’pasiintia
	e an bona sofferintia,
	ché ’l no ha mancò da vu.
	La no se porà de vu
	lamentar, se Die m’aì.
	DONA MENEGA
315	Oh, Tacio, te vuò dir ti!
	Agno muò sto traitore
	sì m’ha tolto el me hanore,
	a’no oss’andar per Pavana.
	Oh, morbo, sozza putana,
320	la s’ha pur guastò el bel mondo!
	TACIO
	Potta del mondo reondo,
	la no se l’ha guastò sì gnan,
	ché ’l no ge mancherà pan
	né gnian altro com a’cri.
325	A’sè che Zilio ogno dì
	ven da mi a l’hostaria
	e se ge n’è malvasia
	v’imprometto che ’l g’in vole,
	e sì no vuol zà parole,
330	e me paga sempre mè.
	A’ve dige a la mia fe’
	che ’l è un bon laorente,
	a’ve dige per bracente
	no g’è megio de chì via.
335	Dabià quella massaria
	che ’l pò haver a spolare
	o su la ara a tibiare
	o volì a cavar fossè,
	perché sempre sempre mè
340	elo è el primo chiamò.
	E an mi a’l’he provò,
	se me vegne el mal drean.
	DONA MENEGA
	Mo sì, fuossi uovra da pan!
	TACIO
	A’ve dige no trognando,
345	a’no ve von delezando,
	che ’l è un bon laorente,
	e si è po inteligente,
	a’dige, mo ben scaltrio,
	che in la bona fe’de Dio
350	quando el zuoga a le cartele
	el sa far mille noele
	per star sora del compagno,
	e com ’l è po in sul guagno
	el mette do smozenige.
355	Mo volìu ch’a’ve dige
	se ’l è fieramen scaltrio?
	A la bona fe’de Dio
	che zugando l’altro dì
	ello havea perdù con mi
360	la camesa col zupelo
	e le scarpe e ’l capelo,
	mancava se no el bragile,
	e an de le volte mile
	cherzo che de l’intachî;
365	e po al sangue de mi
	co la braga, co haì intendù,
	de fatto el s’have rescoù.
	Ampò crêo saer zugare.
	DONA MENEGA
	Mo al sangue de me pare
370	te ge desi un bel avanto!
	TACIO
	Mo ve dige mo in quanto
	’l è scaltrio e sa so rason.
	DONA MENEGA
	Te me l’he..., an, compagnon?
	TACIO
	Horsù mo, lagonla andare.
375	Vu dona Menega mare,
	a’vuò che ge la dagè,
	e an vuò che a’facè
	una bona pace tra vu,
	me haìu mo intendù?,
380	perqué ello ha gran rason.
	No saìu che ognhon
	cerca sempre mè ’l so megio?
	Siché el no ge è de megio.
	La è stà cason de sto malle:
385	azò que la purge el male
	e an, dige, el so peccò,
	zà che cossì ela vo,
	dèila, ch’ella è stà caxon.
	DONA MENEGA
	Puorpio per sta rason,
390	horsù, a’ge la vuò dare,
	zò que la dega purgare
	molto ben el so peccò.
	Mo no te pensare po
	che a’ge vuogie dar dota.
	ZILIO
395	A’no vuogio vostra dota,
	dème la putta cossì
	e lagè l’impazo a mi.
	TACIO
	Mo sì biegi acordè.
	Via l’arme, vuò che a’facè
400	chì la pase e ’l mariazo.
	DONA MENEGA
	Mo su, veh, a’te la fazo,
	e sì a’te la vuò dare
	sol per no me far smatare,
	zà che te la vuò cossì.
405	No vuò a posta de ti,
	s’a’te sbuelasse, andar in bando,
	per biestie andar malhabiando.
	Tié mente que a’dige chì:
	te no la galdi troppi dì
410	che a’spiero te sarè apiccò.
	TACIO
	Cancar, che el sarà apiccò
	sì al collo a la Bettia!
	Alditu mo ti, an, Cia?
	Porta porta qua del vin,
415	dige, de quel merzamin,
	ch’a’vuò ch’a’fazon sta pase,
	perqué sempre mè la pase
	l’è bona a Dio e mo per tutti.
	A’vuò che a’seon tutti
420	buoni amisi e buoni friegi.
	Fè pase, cari castiegi,
	tochève tutti la man.
	Alditu mo, Cia, an?
	Porta pur da bere chì.
425	Dona Menega, bevì,
	e ti, Zilio e Nale,
	bevì su con el bocale,
	bevì che ’l è ben mauro,
	a’ve dige, puro puro.
	DONA MENEGA
430	Mo su, mettite in via.
	Te vuò dar la to Bettia,
	dige, ben de bel adesso.
	ZILIO
	E an mi adesso adesso
	la torè ben e ontiera.
	TACIO
435	Mo questa è una matiera,
	vo a’fazem un puo’de festa.
	DONA MENEGA
	A’no vuogio mi far festa.
	TACIO
	E mi ve dige de sì.
	Zilio, fa’pur cossì:
440	va’mo catta i zugolari,
	e no guardar a dinari;
	e va’ti, Nale, e vu tutti
	catè de le putte e putti
	che i vegne chì a balare.
445	A’vuò che fazomo fare
	una festa a la sprovisa,
	che el m’è mo mi davisa
	sarà bella e haron zente.
	Mo andè su prestamente
450	e vegnì chì a ca’so,
	che faren el parentò,
	te la meneresi a ca’.
	DONA MENEGA
	A’te dige a’no vorà
	ste feste ni bagatelle,
455	nian tante smerdarelle,
	perché le no fa per mi.
	TACIO
	Fè com a’ve dige mi:
	fèla un puo’ben asiare,
	e mandè an inviare,
460	a’dige, de l’altre putte.
	DONA MENEGA
	No vorae altre putte.
	TACIO
	E mi ve dige de sì.
	Tasì, crestiana, tasì
	e lagève governare.
	DONA MENEGA
465	Mo su, Nardo, va’a chiamare
	chivelò mia neza Betta
	e la Duoza e la Cechetta
	e la Gnua di Bertolaci
	e Trese di Menegaci
470	e la Fior de Menegina,
	Perduocima e Iacomina
	figiuole de Mechelon,
	la neza de Menegon,
	la Beolda di Scanferlati,
475	Cia de me compar Scati,
	la Menega di Matana,
	la Tacia da Comegiana
	e la Tuogna di Scapin,
	Peruola di Pagiarin.
480	Mo su, va’mo via, va’.
	TACIO
	Chiamè Bettia fuor de ca’.
	DONA MENEGA
	Su, vien chì, àlditu, an?
	A chi dige? Col malan!
	Vien, bona massara, chì.
	BETIA
485	O mia mare, dìu a mi?
	DONA MENEGA
	A ti dige, sbardasuola.
	No te vuò pi per figiuola,
	te vo dar al to mario.
	Mo no crêr, veh, in fe’de Dio
490	de vegnirme mè pi a ca’.
	Damò vate via pur, va’,
	e fa’pur ben, se te può,
	ben ch’a’cherze int’ogne muò
	che te sgangirè da fame.
495	Sè che l’anno de la fame
	to mario andasea a Pava
	a tuor na scuela de fava
	in vescoò o a Santo Urban
	un puo’de vin e un mezo pan.
500	Pensa mo com l’andasea,
	che a’no sè com el vivea
	da mè tanta povertè.
	Va’pur là, te ’l proverè.
	BETIA
	O Dio, cara la me mare,
505	no ve vogiè scorezare
	gnian per questo zà con mi.
	Oimè, trista e grama mi,
	mo que hegie fatto mè!
	Priego ch’a’me perdonè,
510	l’amor me l’ha fatto fare.
	Dolce bella cara mare,
	cri ch’a’no ’l farè mè pi.
	TACIO
	Me smaravegio de ti:
	s’te sarè co te doerè,
515	la to mare sempre mè
	da hom da ben te aierà
	e an sì te traterà
	da vera e buona figiuola.
	BETIA
	A’vuò esser so figiuola
520	e far zò que la dirà.
	DONA MENEGA
	Te no me l’he mostrò zà,
	né mustri de far cossì.
	TACIO
	I dê vegnir adesso chì.
	Farem du bagi int’un tratto
525	e andarè po ditto fatto,
	sì i te menerà a ca’.
	Lieva su, andagon in qua,
	ch’a’fem la pase con to mare.
	BETIA
	Adesso fèmela fare
530	chì, caro barba Tacio.
	TACIO
	Mo su, a la fe’de Dio,
	a’vuò che ge perdonè,
	e che a’la remetè,
	s’a’me cri mè far piasere.
	DONA MENEGA
535	No ’l vuò far, che ’l n’è el devere.
	Basta ch’a’ge la vuò dare.
	BETIA
	Cara bella dolce mare
	de perle, d’oro e d’ariento,
	trème mo de sto pimento,
540	perdonè se v’he inzuriò,
	per amor de chi impolò
	me ha, che adesso terra fa.
	La cosa che è fatta zà
	no pò pi tornar indrio.
545	Per el bello amor de Dio
	ve domando perdonanza:
	a brace in crose, perdonanza.
	No me volì perdonare?
	MENEGA
	Vuogio sol per demostrare
550	quel pò con mi me figiuola.
	Lièvate su, raisuola,
	che a’t’he belo e perdonò,
	e se a’t’he inzuriò
	perdoname an mo a mi,
555	ché, figiuola cara, a’’l fi
	sol per tropo grande amore.
	O speranza del me cuore,
	o anemeta mia bella,
	te sì me figiuola e frella
560	e te sì tutto el me ben,
	e sì a’te vuogio pi ben
	che te no me vuosi a mi.
	A’vuò che sempre te sî
	la mia cara figiuola,
565	e sempre mè a ti sola
	a’te porterò amore.
	BETIA
	Mo no zà del maore
	ch’a’ve porto mi a vu,
	che a’soffrirae per vu
570	fina a farme scortegare.
	Cara dolce bella mare,
	basème per vostra fe’.
	DONA MENEGA
	A’no posso pi, te m’he
	tutta mè fatta serare. (Qui la mare va in angossa.)
	BETIA
575	O mia cara bella mare,
	que vuol dir, volìu morire?
	Aigièmela a tegnire
	su, che la no caze chì.
	TACIO
	Tié pur fremo de là, ti.
	BETIA
580	No posso, barba Tacio.
	O Dio, o Dio, o Dio!
	Iesum, Vergene Maria,
	mare, mare, mare mia!
	Trista mi desconsolà,
585	che ognhomo si dirà
	che l’he mi fatta morire.
	TACIO
	La vignerà a revegnire,
	n’haer paura, Bettia, no.
	Dezùlage el pignolò.
	BETIA
590	O cara mare mia bella,
	o’è andò la vostra favella,
	che a’no me respondì?
	A’no vuogio viver pi
	zà que a’sì morta vu.
595	Adesso he ben cognoscù
	che a’me volìvi ben.
	Mo tegnì mo fremamen
	ch’a’no posso pi durare.
	Ve vuò vegnir a trovare
600	an mi ivelò de là,
	zà che son desconsolà
	pi che fosse mè altra fante.
	A’perdirè sì bel fante
	per vegnire da vu, mare.
	TACIO
605	Bettia, mo que vuòtu fare?
	On è andò la to prodincia?
	Habi un puo’de pasiintia
	e sta’, te dige, in cervello.
	Questo aponto si è bello
610	intro le aroversitè,
	zà te no la guarirè
	per star chive a beregare.
	BETIA
	O barba Tacio pare,
	mo a’vuogio crepar chì
615	nanzo che i dige per mi
	che mia mare sea morta.
	No fosse de quella porta
	mè insua per andar via!
	Mare mare mare mia,
620	a’vegno adesso da vu.
	A’sì pur stò cason vu,
	dige, del vostro morire,
	ché no poissi sofrire
	che a Zilio volesse ben.
625	Ti, Zilio, s’te me vuò ben,
	com te ariverè chialò
	in segno che te n’hesi amò
	pianzerasi un puo’per mi
	a pensando che per ti
630	a’seon morte tutte do,
	e porterège al sagredò
	live a farge sotterare,
	e farège destagiare
	suso un asse de talpon
635	questo con un bel sermon
	che da tutti sea vezù,
	che dige: “Chive ne è du,
	la mare e Bettia figiuola.
	Per esser na scrovazuola
640	morì so mare int’un hora,
	e ella po no vite l’hora
	per dolor d’andarge drio”.
	Horsù, tutti stè con Dio.
	TACIO
	O Bettia, a chi dige, an?
645	Mo al sangue del mal drean,
	cassì che a’sarè impazò!
	Duosà, cherzo che ampò
	ela vage da bon senno.
	Potta, le ha ben perdù el senno,
650	com per puo’le è strangossè!
	Se Die m’aì, che ’l m’è in pe
	de pissarge dentro ’l viso.
	Moa, el me ven el bel riso,
	sì, al sangue de me pare,
655	che le me fa sconchigare
	dal bel riso chivelò.
	Le me fa un gran peccò
	ste poverete de merda,
	no vuò gnian che le se perda
660	per no le voler aiare.
	A’vuogio andar a chiamare
	tutti i suò ive de ca’.
	Chi è in ca’, oh? Chi è qua?
	Su su, zente, vegnì fuora.
665	Su, portè una stuora
	da meter du morti su.
	A’sbertezo mo co vu.
	El g’è vegnù una tristezza,
	crêze per troppo dolcezza
670	che le è cossì strasandè.
	UNO DE CASA
	Oh, pota de chi me fé,
	porta aseo e aqua chì!
	Presto dàmelo chì, ti.
	UN ALTRO
	Làgamele un puo’spianzare.
	UN ALTRO
675	Làgamege pur buttare
	de l’aqua ben in sul viso.
	Dona Menega revien e dise.
	DONA MENEGA
	Oimè, Dio, el m’è deviso
	puorpiamen d’aver dromio!
	Loldà sea Domenedio,
680	mo on è la me figiuola?
	Di’, que fètu, raisuola,
	cossì ive adromenzà?
	Sìtu an ti strasandà?
	Mo respundi un puo’a to mare.
	BETIA
685	Me parea insuniare,
	mare, che a’gieri morta.
	DONA MENEGA
	A’no son zà miga morta,
	ma ben puoco ge è mancò.
	Havea perdù la forza e ’l fiò
690	che a’me he sentio sgangire.
	BETIA
	A’crêa che doessé morire,
	a’ve giera vegnua drio.
	TACIO
	Horsù, al nome de Dio,
	donne, mo no stagom pi.
695	Le pute sarà mo chì,
	lagè un puo’andar ste noele
	e ste tante smerdarele
	e levève horamè su.
	Mo levève, a’dige a vu.
700	Te no m’aldi, an, Bettia?
	Mo su, mettite a la via,
	che te sè ben acertare
	Zilio t’ha a far strasendare
	e volzer gi uochi altramen.
705	Te parerà puorpiamen
	che ’l te face andar in giuoria
	e intrar con gran vituoria
	gi Ongari po in Figaruolo.
	No harà paura, el matizuolo,
710	del marchese e so artegiarì,
	mo aponto el matto pi
	sempre mè se abaverà.
	Infin, mentre che ’l serà
	tutto mè insanguenò,
715	el passerà po el Po
	via da drio di Tomasatti,
	perché gi è seniestri e matti,
	e con quigi el s’aierà,
	ben che un dì i ge meterà
720	sul cao un bel scapuzin
	de loame rico, mo meschin
	el no ge porà durare
	e ’l se andarà acordare
	con madona Palma po.
	BETIA
725	Mo no haesselo pi fiò!
	Sta el fatto che a’no vorrè.
	De tutto quel che ditto te he
	son contenta e an de pi,
	ma no vuogie minga mi
730	che donna Palma habia el me.
	DONA MENEGA
	Que contrasto è quel che a’fè?
	Fè che intenda an mi un puo’.
	TACIO
	No, mea, questo si è un muò
	solamen per sfiabezare.
735	Per farla desdromenzare
	ge dige ste sfiabarì.
	DONA MENEGA
	Horsù, Tacio, no pi.
	Su, brigà, su, andagon,
	che presto se asion.
740	Su pur presto tutti tutti,
	che le pute con i putti
	sarà adesso adesso chì.
	Horsù, no stagomo pi,
	che a’farem el mariazo.
	Qui intrano tutti in casa, et finisse el quarto atto.


	Atto V

	Quelli de casa de Bettia portano fuora banche, et asiano, et in questo azonze le putte. Colui che fa el prologo dice.

	EL SPROLEGAORE
	Die ve salve tutta zente,
	la noizza inprimamente.
	Al nome de Dio sempre mè
	sea e de la Trinitè,
5	la Vergene gioriosa
	Maria so mare e sposa,
	san Marco e la Lostrissima
	Segnoria Senerissima
	nostra de Vegniesia,
10	che la manten la Giesia
	al despetto di pagan
	che è nemigi di cristian.
	Segnoria cristianissima,
	ben forte et iustissima,
15	mantegnemento de fe’
	e brenta de caritè
	et de agno ben cason,
	remielio e consolation
	de tutti mè i sconsolè,
20	sempre sempre e sempre mè
	amiga de la vertù
	e frema cason che nu
	tutti mè sozetti suò
	int’ogne muò per ogne muò
25	nanzo se fasson squartare
	ca d’ognhora non criare
	sempre sempre “Marco!, Marco!”,
	siché agnhora “Marco!, Marco!”
	ognhon crie sempre mè.
30	“Marco!” sempre a’crierè,
	se creésse per ’l me criare
	San Marco deésse guagnare
	sol pur un pontal de strenga.
	A’no droverae la lengua
35	in altro zà mè mè mè,
	mo sempre mè sempre mè
	“Marco!” a’crierae,
	tanto che a’creperae.
	“Nulum natorale nato este essere uciosum”.
40	Dise Stotene el gran
	e dotore e sletran
	che negun natural n’è
	nassù zà per esser mè
	ocioso e star de bando;
45	questo intendando e digando
	del naturale de nu
	contra el natural de vu.
	La Santa Scrivania dise
	po ste parole sprecise.
50	Mattio, ascoltème, friegi,
	a i desnuove capitiegi:
	“Reliquete l’homo patre et matre et erebit l’uxori sue”.
	Haìvu mo intendue
	ste parole, o brigà?
55	Cherzìme mo che le ha
	gran sintincia in sì.
	Quel che le vuol dir aldì.
	Dise che dê abandonare
	l’homo, dige, pare e mare
60	e andar presso a so mogiere,
	perché questo è el devere,
	la mogiere è megio assè.
	E po an, co a’ve dirè,
	no cri zà ch’a’ve deleza.
65	No dise la nostra Leza
	int’ol “Gienesì” a nu,
	cherzo a capitiegi du:
	“Cressitete ete smultiplicate et replete terra”?
	Chi disse ste parole,
70	che le n’è minga fóle,
	fo mesier Iesumdio.
	O Dio, o Dio, o Dio!
	El lo disse perqué ’l vêa
	e an perché el cognoscea,
75	a’dige, veraxiamen
	che sto mondo altramen
	mè mè no possea durare,
	perzò el se dê smultiplicare
	e impir la terra a tutti i lè.
80	Mo che pi a’ve dirè?
	No g’è la rason caluorica,
	la zoile e la teluorica
	e an g’è la snaturale,
	la zoile e scriminale?
85	El g’è an la retoluorica,
	co don dire?, la filuorica,
	con el Testamento Vegio,
	e anchora, a’dige megio,
	el Nuovo, e tutti i sletran,
90	Stotene, Sinica e an
	el gran Tulio e Caton
	e Davit e Piantalon,
	Vicena, Bartole e Cin
	e san Tomaso d’Aquin
95	e de gi altri un saco pin
	con Scotto e santo Agostin
	tutti gi altri che son stè;
	sì che sempre sempre mè
	è stò laldò el smultiplicare.
100	Perzò ognhom se dê mariare,
	co a’ve dige, per rason;
	per questo che ive adesso a’son.
	Horsù mo, e’me volzo a ti
	e senza sprolicar pi.
105	Prudente dona Bettia,
	figia che fo del Bastia,
	ve piase Zilio per sposo,
	figiuolo che fo del Toso,
	segondo che ha comandò
110	la nostra leza e el Giesiò?
	BETIA
	Sì che ’l me piase, e sì ’l vuò.
	EL SPROLEGAORE
	Mo se a’farì a sto muò,
	presto a’ve accorderì.
	A’me volzo mo a ti,
115	Zilio figiuol fo del Toso.
	Dìme, vuòtu essere sposo
	chivelò de la Bettia
	figiuola che fo del Bastia
	com comanda e ha comandò
120	e la leza e el Gesiò?
	ZILIO
	A’la vuogio mo sì mi.
	EL SPROLEGAORE
	Bon viazo an a ti,
	te no te è fatto pregare.
	Mo su, vala mo a basare
125	e va’tocage la man.
	Sto pugno, per san Zulian,
	te harè per recordanza.
	ZILIO
	Oh, cancaro a questa usanza,
	sè che me ’l recorderè!
	EL SPROLEGAORE
130	Horsù, vié chì ti che te he
	quella ingestara de vin.
	Fate ananzo in qua, fantin,
	e da’da bere a i noici.
	El me par che te t’agrici.
135	Mo su, dige, fate ananzo,
	da’a ela, e elo l’avanzo,
	e laga andar el bichiero.
	El è rotto! Mo a’spiero
	le è bone noce a la fe’.
140	Horsù mo, brigà, chi è,
	dige, dal lò del noizo
	si se conze int’un graizo,
	e chi è da la noiza
	si se conce in una griza.
145	Tochève tutti la man,
	quii dal lò del sposo e an
	quii che è del parentò de ella.
	Qui vien presentado pomo a la sposa per parte del sposo.
	EL SPROLEGAORE
	Madona noiza bella,
	el ve è mandò sto presente,
150	acetèlo alegramente.
	Chì entro si g’è de la salvia:
	che sipiè honesta e savia.
	Chì entro gh’è de la saoleza:
	se n’haì leto, andrì su la teza.
155	Chì entro si g’è de la rua:
	che i morusi ve refua.
	Si g’è an del pel del mulo:
	vàgesse a grattar el culo.
	E chì entro g’è del fen:
160	che deì andare dertamen.
	Chì entro g’è di stopaci:
	fregè ben scolieri e i caci.
	Chì entro g’è del pel de gatta:
	tegnì netta la pignatta.
165	Chì entro g’è de l’ingistare:
	sii presta int’ol menestrare,
	se no harì de la ramina
	el menestraur su la schina.
	Se i tagier no saì lavare,
170	el ve gi face lecare;
	se ingistare romperì,
	tutti i viri magnerì.
	Chì entro g’è un armelin:
	mettè assè coè de ponzin,
175	a’ve dige, a impolare,
	e che i sapiè guardare,
	com i sarà nassù po,
	da quel maletto buzò.
	Chì entro g’è un façoletto:
180	sii savia in via e scoretta in letto,
	smultilichè da tutti i lè.
	Moa mo, ditto ve l’he,
	vuò far fine, l’hora è tarda.
	TACIO HOSTO
	El besogna che ’l se guarda
185	che ognhom face i fatti suò,
	e perzóndena ve vuò
	dirve, friegi, che ballè
	presto presto, che a’facè
	chive du bagi int’un tratto.
190	Anderà po ditto fatto
	ognhom a far i fatti suò.
	E qui se metteno a balar, e finito el ballo dice Nale.
	NALE
	Bettia, te ballerè
	questa notte a un megior son.
	BETIA
	Dìme, Nale, mo a que son?
	NALE
195	Te ’l dirè: a son de chiappe
	che se fa e chiche e chiacche.
	Mo su, putti, andagon via.
	Zugolar, metìve in via,
	che andagon via sonando.
200	Vu, putti, andève a conzando
	tutti quanti a du a du.
	ZILIO NOVIZO
	Moa, madona, mo su
	a’vogiomo andar a ca’.
	Horsù, stè con Dio, brigà.
205	E vu vegi, putte e putti,
	stè con Dio, a’dige, tutti.
	DONA MENEGA
	Mo fa’bona compagnia,
	o Zilio, a la mia Bettia,
	s’te vuò ch’a’te vuogia ben.
	ZILIO
210	Se no la tratterè ben,
	lamentève po de mi.
	NALE
	Mo no ge sarègie an mi?
	No habiè paura, mare,
	no ge lageron mancare.
	ZILIO
215	Nale, no la va mo ben.
	Sètu, s’te me vuosi ben,
	no m’andare inrovegiando.
	NALE
	No, Zilio, a’dige mo, quando
	haesse besogno Bettia,
220	a’tegnerae muò e via,
	per l’amistè che è tra mi e ti,
	de servirla anchora mi,
	perché son sì co da frello.
	BETIA
	Muogia, el serà ben bello
225	s’te no contenti, o mario!
	ZILIO
	Mo sì ben, a quel partio!
	NALE
	Mo bensà, frelo, casì!
	DONA MENEGA
	Figiuol, ’l è el dever così,
	ché la vera amistè
230	si è quella quando che ’l è
	el tutto tutto a comun,
	e an quando che ognun
	si pò piantare e tagiare.
	BETIA
	Vu disì ben vero, mare,
235	e cossì vuogio anca mi.
	DONA MENEGA
	Horsù, a’vuogie dir an mi
	chivelò quatro parole
	in hanore, con se sole,
	de Bettia mia figiuola.
240	La n’è matta né scroazuola
	com ge n’è de l’altre assè.
	Sempre sempre sempre mè
	el ge sa bon laorare,
	e la sa tanto ben trare
245	quii cavalieri da sea,
	che a’no cherzo che sea
	una in Vicenza né in Pava
	che i face buttar pi bava,
	tanto ben g’hala rason;
250	sì no butta mè dopion
	mo faloppe avantazè.
	Po, se Die m’aì, la n’è
	femena gnian troppo ingorda,
	nian che negun la remorda
255	mai zà de puoco magnare.
	La par pur bon a menare
	le massele, el muso e i dente,
	e po la no vo per niente
	un boccon se ’l non è grosso.
260	Mo s’te ge veissi un osso
	con la ’l suol ben rosegare
	e an com la fa saltare,
	dige, la megolla fuora!
	A’priego Dio che muora
265	se te veési megio mè!
	BETIA
	Mo un nervo saìu s’a’sè
	per rason ben mastegare?
	A’’l fon presto deventare
	tendero e molesin.
	Tacio voltato in là dice.
	TACIO
270	Adio adio, cazolin,
	te no farè de mi bocon!
	DONA MENEGA
	La g’ha la bella rason
	d’impiantar puori e ravaniegi,
	e la i sa far vegnir biegi
275	e ben grossi como he chì;
	e sì a’te dige pi
	che, per Dio e san Martin,
	ela no beve mai vin.
	BETIA
	Mo sì ben la malvasia.
	DONA MENEGA
280	Mo a servir na compagnia
	ben de cento compagnon
	la i serve da baron.
	’L è passà zà puochi dì
	che ela sola la servì
285	mezo el campo di Toischi.
	Chirzi mo che tutti i dischi
	con le banche have da fare.
	ZILIO
	Duosà, pò far, cara mare,
	che la i servì ella sola?
	BETIA
290	Per certo, mario, mi sola,
	e a’no giera straca gnian!
	Tacio voltato in là.
	TACIO
	Oh, te vegne el mal drean
	e an el fuogo a la busa!
	DONA MENEGA
	A’ve dige che l’è usa
295	a far quel che se pò fare.
	La no ha sapù contentare
	in ste guerre i Straliuotti,
	che la g’ha scorlò i borsuotti
	per lo alozar con nu?
300	A’gierinu cognossù
	da soldè e sacoman,
	ché ’l n’è stà mè sul Pavan
	salbega zente co te vuò
	che la n’heba tegnù muò
305	de farse tanto entro e pi
	cognoscer. Chérzime a mi,
	de tutti l’have amistè,
	a’dige, che sempre mè
	la gi ha servì de notte e dì.
310	Ampò te sè pur an ti
	se ’l g’è stò zenia reversa!
	Tacio voltato in là.
	TACIO
	Te vegne ’l morbo e la fersa!
	Pòla mo signar dal ton?
	Toràvela mo un tron
315	per far piaser a qualcun?
	E la serve an a comun,
	pensè se la è serviciale!
	DONA MENEGA
	Mo vé, la farà ogne male
	com la è un puo’abavà.
320	L’ha paura, mo no zà,
	de homo, e sea pur zazerin?
	La ’l fa presto molesin.
	Cossì hala mo gran cuore?
	Mo me vegne l’ancecuore
325	se ’l g’è braoso soldò,
	dige, quando ’l è abavò,
	com è questa me figiuola!
	Quante fiè l’he vezù sola
	esser a le man con du!
330	A la fin la gi ha metù
	tutti du sotto de ella.
	Quante fiè la meschinella
	che l’è stà tolta de mezo
	per farge e male e pezo,
335	un d’ananzo e un da drio!
	La ha sapù pigiar partio
	e pur tanto scoezare
	che la g’ha fatto suare
	le timpie da ogne lò.
340	Sea pur, s’i sa ampò,
	ben brausi e abavè
	e scaltrì e scazonè,
	la ge bore pi adosso.
	Figiuoi, dir a’no ve posso
345	co l’ha gran potincia mè.
	TACIO
	Mo el vostro natural è
	esser fieramen potente.
	A’sè ben che mi per niente
	con ella me vuò impazare,
350	che la me porae negare
	con sta tanta so potincia.
	Ghe vuogio haver revelincia
	e an farge de beretta:
	zà que damò l’è sì stretta,
355	la no sé da sgarugiare.
	DONA MENEGA
	Tacio, mo no sbertezare,
	no fo mè una sì potente.
	TACIO
	Que femena da bracente!
	ZILIO
	Mogiere, t’he indevinò!
	NALE
360	A portar (cherze de no)
	temeràela un saco in schina?
	DONA MENEGA
	Meisì, l’ha dura la schina
	e i calli co un gatto maimon.
	Te no possivi in collusion
365	zà mè megio indovinare.
	BETIA
	No me vogiè pi vantare,
	basta che ve farè anore.
	Pur che a ello el Salvaore
	guarde e membri e la persona,
370	co ello sarè massa bona
	né no sarè despiaseole,
	gnian soperba ma piaseole,
	sì me lagerè voltare
	a ello sempre e de mi fare
375	tutto quello che ’l vorà.
	Né mè el me sentirà
	co ello troppo contrastare,
	e per no ’l far abavare
	le spalle a’ge volzerè
380	e sempre mè a’dirè:
	“Fè e dì quel che a’volì,
	che mè a’no troverì
	che la Bettia ve desdiga”.
	’L harà se nomè faiga
385	dir: “Bettia, a’vuò cossì”.
	ZILIO
	E mi con te vorè ti
	sempre sempre mè farè.
	TACIO
	Mo a’sì biegi e acordè.
	Brigà, le ave vo samare,
390	el besognerae cazare
	el fuogo mo a la busa.
	Critu mo che la sea usa
	a cantare la canzon
	“L’è vegnua la sason
395	de cantar la zomberon”?
	NALE
	Mo su, Zilio, compagnon,
	’l è tempo, métete in via.
	Caminè che andagen via,
	madona la sposa e ’l sposo.
400	E mi, che a’son el moroso,
	a’ge vuogio andar da drio,
	perché int’ogne partio
	a’m’in vuò far un marchetto.
	A’farè mo el tratto netto,
405	a’te dige, da baron,
	siché a’’l farè un molton.
	Tasì pur, brigà, tasì.
	ZILIO
	Duosà mo, potta de mi,
	zà che te vorè frappare!
410	A’sè que te dì de fare,
	te dì che te sbertezi po?
	Mo fustu cossì brusò
	co t’iè un gran traitore!
	A’te vuò magnar del cuore!
	TACIO e BETIA
415	No far, cancaro, no fare!
	ZILIO
	Lagème andar, lagème andare.
	TACIO e BETIA
	Muzza, Nale, muza via.
	NALE
	Per la Vergene Maria,
	frel, dame la vita in don.
	ZILIO
420	Tuo’questa, burto gioton!
	NALE
	Oimè Dio, te m’he amazò!
	TACIO
	Tuòte via de chialò,
	che de certo el morirà.
	BETIA
	Trista mi desconsolà,
425	mo perché l’hetu amazò?
	Com farègie, che avisò
	m’havea d’haver du marì?
	No porè zà solo ti
	far che ’l non m’hebia a mancare.
	ZILIO
430	Mo no me far abavare.
	Su, avìate lì, s’te vuò.
	BETIA
	Povereta, mo a che muò
	a’son zà romasa in un!
	TACIO
	Com per puo’s’amaza un!
435	Oh, povereto ti, Nale!
	Orben, negun face male
	crêr che ’l no ge sea impagò.
	Co so mogier che ’l sea amazò
	saerà, che faràla mè?
440	El no fo né sarà mè
	che una vuoge ben reale
	com fea la Tamia a Nale.
	Inchindamò ella ’l sa zà,
	ge è puoco de chì a so ca’.
445	Orben, el se l’ha guagò!
	El no ge acaziva mo
	dir quelle parole chì.
	El veéa che Zilio giera lì
	che el desea pur aldire,
450	e sì no possé soffrire
	un puo’de voler frappare,
	e questo per demostrare
	a nu che ’l giera scazonò.
	Tuoge zò che l’ha guagnò.
455	A’sì pur stò vu cason,
	e nanzo è stò ello frison,
	perch’elo no sape fare
	senza voler spiovegare.
	Volìu che ve dige mi?
460	Horben, al sangue de mi,
	le femene son cason
	de tutto el mal che haon,
	che ’l morbo le magne tutte,
	zovene e vechie e putte!
465	La prima che nascé al mondo
	no fóla cason che ’l mondo
	foesse un bordel com ’l è?
	Perché, con saì, la fé
	falare Adamo de fatto.
470	Se ’l no fosse stò quel atto,
	desobedire e far peccò,
	a’sasen tutti ivelò,
	dige, là su in paraiso.
	La non me va zà da riso
475	minga, al sangue de mi.
	Se altri fesse com farae mi,
	a’ve saltessomo adosso.
	Se no ’l fosse che a’non osso,
	a’no ve partissé sutte.
480	Mo no vîu mo che tutte
	mè le guerre e le costion
	nasse per vostra cason?
	Mo quanti huomeni da ben
	per volerve troppo ben
485	si deventa poveritti?
	Mi a’no ge darae du pitti
	de quante ne è mè nasù,
	perqué, a dirvelo a vu,
	me sè dar piaser da mi
490	an senza che vu a’ge sì,
	al despetto de chi no vo,
	se a’fossé lonzi de chialò
	de le megia mille e pi.
	E sì a’ve dige mo pi:
495	no despiaserae a un hom,
	se ’l foesse un vil poltron,
	per cento femene mè.
	No vuò per vu bastonè.
	Se ’l fesse com farae mi,
500	tutte vu, al sangue de mi,
	ge corressé drio per tutto.
	Nale n’iera zà sì putto,
	per vu s’ha fatto amazare.
	Sento so mogier bergare,
505	l’ha intendù che ’l è amazò
	e perzò la vien chialò
	per saverlo da qualcun.
	TAMIA
	O Dio, n’harè pi negun,
	dasché è morto me mario!
510	Dìme ’l ver, caro Tacio,
	è morto Nale, per to fe’?
	TACIO
	Mo, Tamia, a’te dirè,
	a’ge vitti mi ben dare,
	e sì a’’l sentî criare
515	e dire: “Aimè, che a’son morto!”.
	Mi a’cherzo che ’l sea a mal porto,
	ché ’l ge menà fieramen.
	TAMIA
	’L è morto verasiamen?
	Intindil, car Tacio,
520	per el bel amor de Dio
	va’che te aspetterè chì,
	perché a’no posso pi,
	no porae mè caminare.
	TACIO
	Moa, e’anderè a guardare,
525	ma te no può star sì puo’,
	te ’l saverè per altro muò,
	qualcun el vegnerà a dir chì.
	A’vago ben via de chì mi,
	mo no per intender zà.
530	Andarè per da drio in ca’,
	no vuò impazarme de sta cosa.
	Lamento de la Tamia.
	TAMIA
	Questa me è l’amara angosa!
	O puovera ti, Tamia,
	te he perdù la compagnia!
535	O dolce el me mario caro,
	o mio bello e bon boaro,
	o frel da la gugià grosa,
	cara pria spreciosa
	de velù e de robini
540	e de perle e serafini!
	O dolce el me caro amore,
	o forte e bon laoraore
	contra de la mia persona!
	O mia speranza bona!
545	Oh, duoh, cari i me piasere,
	che sempre a’solea havere
	agno notte con ti in letto!
	Te me dasivi deletto
	a che via ch’a’volea
550	e quelo ch’a’me piasea
	te volivi anca ti.
	O i me cari e buoni dì!
	Oh, Dio, quanti a’n’he habù!
	A’’l saì pur anca vu,
555	e scagni e banche de ca’,
	mè pi el ve ovrerà.
	O vu, buò, horsù pianzì,
	che vu no veerì mè pi
	el vostro caro e bon paron!
560	O vu, vache, andagon,
	a’ve dige, al bel bordello;
	s’haon seno e cervello,
	no haron chi ne monzerà.
	El latte no se arpigerà,
565	nean farom pi formagio,
	ché ’l è perdù el conagio.
	O piegore e vu, castron,
	haì perdù el vostro paron.
	O molton, bello molton,
570	te no me darè de urton
	con la testa infra le gambe!
	Botte dolce senza sangue,
	o care mie spontonè,
	mè pi a’ve sentirè!
575	Terre, chi ve lavorerà?
	A’cherzo el no se caterà
	chi cazze el versur sì in zo.
	O pare me honorò,
	o dolce el me frelazzo,
580	che per darme agno solazo
	e per voler con mi trepare
	te me solivi pur dare
	de le to man in sul colo!
	Dolce, caro el me figiolo,
585	te me volevi pur ben.
	Se tal volta, co intraven,
	a’trazea na corezazza,
	te dìvi: “Bon pro te fazza”,
	e no: “Haistu cagò el cuore”.
590	Te te fievi sempre hanore
	e si gieri pur pordhomo,
	a’dige, ben valenthomo
	con le frece e un arco in man.
	Te menavi po le man
595	com fa un zenghiaro abavò
	e per inchina damò
	te gieri pur gran marchesco,
	che, con te vîvi un toesco,
	te ge volzevi le spalle.
600	Te n’he mè fatto algun male
	in tutte ste muzarole.
	Cara zuogia de viole,
	o herbe de homo avezù,
	mo com t’hegie mo perdù?
605	A’dige a ti, o sleteran,
	che mè in su sto Pavan
	ge fo un altro to pare.
	Te saivi inroegiare
	e menar le lite a fin.
610	Te parivi un Merlin
	davanti del poestè.
	T’havivi po amistè
	con tutta tutta mè Pava.
	O pi dolce ca miel d’ava,
615	chi conzerà mo le costion?
	Putte, o pute, a’no poron
	far pi com fé la Bettia,
	che ’l no ge sarà pi via
	de poerla po conzare.
620	O caro ’l me frelo e pare,
	te parivi tanto bon
	quando che sul to baston
	te te ’n stasivi apuzò.
	La domenega al gesiò
625	te stasivi a rasonare:
	tutti te stasea a scoltare
	per na smeravegia bella.
	T’havivi tanta laquella
	pi ch’ave Signica è
630	né Stotene, ampò gi è stè
	sì gran sfilosofaore.
	Te te fasivi hanore
	favellar con citaini,
	te parivi in bolzachini
635	megio che om che porte vita.
	Cara zuogia me polita,
	o anemetta mia bella,
	te parivi in gonella
	bon, e miegio in zachetto,
640	e com te gieri in cassetto
	o veramen in zupello,
	te parivi un rigobello.
	O mario desirò,
	mo com m’hetu mo lagò
645	povereta mi de merda?
	Te vuosi ben mo ch’a’perda
	la mia zoventù bella.
	Questa è una mala noella
	e mi no ge n’he peccò.
	L’anema de Nale.
	NALE
650	O Tamia, no pi no,
	no star pi a beregare,
	che ’l no se pò contrastare
	a quel che Dio ha vogiù.
	TAMIA
	O mario, sìu vu?
	NALE
655	Sì ch’a’son per zerto mi,
	che a’son vegnù da ti.
	Dàme man, te vuò basare.
	TAMIA
	Uh, el m’è viso de tocare
	se no fummo puorpiamen!
660	Sì anema, e’sento ben
	mo a’no ve vego zà no.
	Uh, sì mo no corpo cum fiò!
	Non se pò vêr né tocare.
	NALE
	El tutto scoegnî lassare
665	co a’me partî de sto mondo,
	perqué andare sì a fondo,
	là on che mi a’son stò,
	no l’harae mè portò,
	né an altri el pò portare,
670	perqué el se scoen passare
	per de stragni truozi e vi’.
	Trenta megiara de mi’
	ge è de chive fino a là,
	e questa via se fa,
675	dige, in un bel bater d’ochio.
	Un festugo de fenochio
	pur portare no se pò
	se nomè solo el so fiò,
	che è l’anema che no muore,
680	e quell’è che ha dolore
	e che sente passion
	segondo g’è la cason
	e an segondo el peccò.
	TAMIA
	Uh, mario, sìu danò?
	NALE
685	Sì, mogiere cara, sì.
	Te sì stà ben cason ti,
	no t’haesse mè tocò,
	perché son stò condanò
	per ti in pena de fuogo,
690	che a’no truovo mè luogo
	per tanto incendore e male.
	Sea malete le to spale
	con tutta mè la to schina!
	TAMIA
	O puovera mi meschina,
695	mo que ve sìntio dir me!
	E impossibole mo che,
	se ’l è sì com a’disì
	che vu aneme a’sì
	senza corpo e solo fiò,
700	mo com pò essere po
	che vu aneme ve abrusè?
	NALE
	Mogiere, te ’l proverè
	chì, perqué la leza è bona
	e ’l no fo zà mè persona
705	che ’l meritasse co ti.
	TAMIA
	Oimè, trista e grama mi!
	Mo andem un puo’pi drio.
	Dìme un puo’, caro mario,
	è gran dolore a morire?
	NALE
710	Puh, a’no te porae mè dire!
	De questo ge n’è cason
	solo la despartison
	che fa l’anema dal corpo,
	ché naturalmen el corpo
715	vuol ben a l’anema so,
	e per questo a’dige po
	se ha cossì gran dolore,
	e de chì ven i suore,
	da gran passion ch’i mena;
720	e tutta la maor pena
	sta int’ol insir de bocca.
	Mo, mogiere, el te tocca
	per da drio a ti morire,
	e perché el g’è largo insire
725	puoco o ninte te dolrà.
	TAMIA
	A’no sè quel che sarà.
	S’a’ge creése remiliare,
	a’me farae stropare
	presto presto i busi tutti.
730	A’vuò che te me desbutti
	e che te me mustri chì,
	perqué, se ’l è con te dì
	che l’alme danè va in zo,
	com può esser questo mo
735	se l’è com è fumo o vento?
	Te me farè gran contento
	a dirme co esser può
	questo, ché per ogni muò
	la cosa che è leziera,
740	la so natura e maniera
	è d’andare sempre in su,
	e po a’disì pur vu
	che vu sì andò in zo.
	NALE
	A’ge fu astrapegò,
745	dige, ben a bella forza.
	TAMIA
	Adonca la va per forza?
	NALE
	Diambere, mo cancar è!
	TAMIA
	Deh, diìme, mario, co a’fè
	cerca al fatto del magnare?
	NALE
750	El se ha altro ca fare,
	de questo no a’se apenson.
	TAMIA
	Mo el magnare è pur bon,
	e sì a’tegno mo mi,
	e sempre a’creerè così,
755	che questo sea el mal maore
	e questo dea pi dolore
	de fuogo né d’altra duogia.
	NALE
	Dige che no g’aon vuogia,
	e pi gran dolore a’g’ho
760	quando pel fuogo asforzò
	a’son a doer magnare,
	perché el me scoen saltare
	in un gran mare de merda,
	e azò che el fuogo perda
765	qualche puo’quel gran sfogore
	e per fuzir el dolore,
	a’me cazo tutto zo,
	e po int’ol pigiar fiò
	a’in tuogo una boconà
770	de quella che è pi menà
	e che è pi sotile e fina.
	TAMIA
	Eh, doh, trista mi meschina,
	a’me fè mo sgrizolare!
	Dasché me vè a regordare,
775	disìme per vostra fe’
	e disìme com la è:
	che g’è, dige, a la reale
	de Agnola Caga-in-cale
	pecarise vinitiana?
	NALE
780	I ge fa tirar l’alzana
	com che suol tirar le vache,
	sì ge spontegna in le lache
	con un ferro abogentò.
	Se tirare no la pò,
785	egi ge dà fuogo al culo;
	chirzi che a muò de bel mulo
	la carga de bastonè,
	perché quella barca è
	càrega de putanaze,
790	dige, de quante vacaze
	mè in Veniesia sea stò;
	e pur pure a’cherzo ampò
	che ’l ge ne sea stò assè.
	TAMIA
	Dìme mo, que fale mè
795	elle in quella barcaza?
	NALE
	Mo, mogere, le se amaza,
	si sta sempre sempre mè,
	dige, in darse bastonè
	e far de gran custion,
800	questo per tuorse i berton;
	e po in questo tragaiare
	el ge suole ive arivare
	de sora un gran oselazo,
	che par puorpio un grifonazo,
805	grande co è una gran ca;
	chi de là e chi de qua
	elle per voler muzare
	zo le salta in quel mare,
	che a’dige che he saltò mi.
810	Per la to cara fe’, di’
	questo a le putane tutte
	o zovene o vechie e pute,
	che a’le stagon a spitare
	chive al zuogo del smerdare.
815	Dìgelo per amor mio.
	TAMIA
	Mo a’no sè a che partio
	sola a tutte dirlo mè:
	NALE
	Mogier, te no viissi mè
	quanti toischi e slanzeman,
820	straliuoti e sacoman,
	sguizari e altri soldè
	che gi è ive condanè
	tutti per el so mal fare,
	per derupar e pelare
825	a nu puoveri villan.
	A’gi haon mo in le man,
	cri ch’a’ge fazon marchiti!
	De fatto, mogier, co a’viti
	quello soldò che te sè,
830	che a me despetto el te fé...
	Sètu chi che vuò dir mo?
	TAMIA
	’L è un gran fatto, sì ch’a’’l so!
	NALE
	Cherzi che ge n’he impagò,
	perqué Dio si ha ordenò
835	che i sea in nostra lubertè.
	Pensate pur mo si gi è,
	a’te dige, in bone man!
	Ge fazon pagar el pan
	e la biava ch’i ha magnò,
840	el zucar garbo pi salò
	ca el no ge fasea a nu;
	ge fazon bere in pe de bru
	piombo descolò bogente.
	Cherzi mo ch’i batte i dente
845	che gi par biè cigognatti.
	Se Die m’aì, par a muò matti
	a sentirgi beregare.
	A’i fazon po collegare
	in albuoli abogientè,
850	che i frize da tutti i lè
	co brasola in la frissura.
	Dige che l’è una sgrisura
	a veérgi com a’i traton.
	A’te sè dir ch’a’i pelon
855	piezo che i no ne fé a nu.
	TAMIA
	Mo dasché el sta a vu,
	deh, fège pur el debito
	e piezo che te n’he ditto,
	che leza né fe’gi havea
860	e po “putana” i disea,
	che a’no dige, “de Diè”.
	I crêa sempre sempre mè
	doerge sottomitare.
	Ge farae mo magnare,
865	foesse in vu, merda bogiente,
	ge sbaterae fuora i dente
	ch’i no poesse mastegare:
	la ge poesse pelare
	tutto mè el giotauro!
	NALE
870	A la fe’bona a’te zuro
	che gi è molto mal tratè.
	TAMIA
	Del signor d’Alvian che n’è?
	NALE
	El segnor Bortolamio,
	dige, missier Iesumdio
875	l’ha fatto andar in Cielo su.
	Questo, sì co he intendù,
	per la so fede e lialtè,
	ben ch’i diavoi sempre mè
	stasean con paura grande
880	che ’l vegnisse in le so bande
	a mettergi po a remore.
	Gi havea sì grande ’l tremore
	ch’i no savea on se cazare.
	TAMIA
	Al Benzon que ge fai fare?
	NALE
885	’L è stò mandò de sotto, lu,
	e ’l sta piezo assè de nu.
	Questo perché, a’te dirè,
	el fo apiccò in su co un pe,
	l’anema insì dal cul via.
890	Perché de ive l’iera insia,
	com la rivé ivelò
	l’have de fatto amorbò
	tutto quanto quel paese,
	e co i diavoli l’intese,
895	tutti per non se amorbare
	con gran furia i ’l fé cazare
	de sotto de nu assè.
	TAMIA
	Dìme, mario, per to fe’
	l’inferno com èlo fatto?
	NALE
900	Mo a’te ’l dirè in tratto.
	’L è, Tamia, un gran luogo,
	tutto mè si è pin de fuogo
	e de caldaron e spi,
	e ive sempre mè te vì
905	chi rostire e chi lessare,
	e te senti beregare
	che ’l par puorpio un finimondo.
	E perché te sì in sto mondo
	no te posso el tutto dire,
910	el te scoen prima morire
	se te vuosi inteder tanto.
	TAMIA
	No, a’me smaravegio in quanto
	don che pol esser sto luogo,
	perqué né zente né fuogo
915	no pò star sotto la terra,
	e pur dentro de la terra
	el se dixe che ’l ge è;
	siché, mario, a’no sè
	quello ch’a’me deba dire.
	NALE
920	Gnian mi no te ’l posso dire,
	mo inchina a puochi dì
	te el proveresi an ti,
	e questo a’te sè acertare,
	che te vegnerè a tirare
925	la alzana an ti de là.
	Mi a’te tegnerè cazà
	con un bon stizo in le nege.
	TAMIA
	Oimè Dio, le mie nege!
	Mo que disìu, mario?
930	Dixì mo a che partio
	che quî demuni è fatti,
	e si gi è o savi o matti,
	e an si ge è segnore,
	e se tutti ha dolore
935	o no. Dìme com la va.
	[NALE]
	Mogiere, tutti si ha
	da fare quanto che i vo,
	e sì g’è un segnore po
	che tutti gi fa tremare.
940	No se pò nian trovare
	mai in ello caritè,
	nean se ge trové mè
	nomè in quel solo dì
	che Menego rivé lì,
945	el Tagiacalze buffon,
	perqué el disse una canzon
	con quel gran so beregare
	tanto che ’l fasea tremare
	gi abissi tutti quanti,
950	e damò de chì in avanti
	com te sinti taramoto
	pensate pur bel deboto
	che el Tagiacalze canta.
	El monté in su na banca,
955	se messe a zaratanare
	per tal muò che ’l fea cagare
	tutte l’aneme da riso.
	El faxea po quel so viso
	che è da sconzurar baldon.
960	Mè mè per un poltronzon
	fo vezù zà el pi bello.
	El se ha fatto de ognhom frello
	e con tutti ’l ha amistè.
	TAMIA
	Mo perché an ti no te è,
965	caro Nal, butò da matto,
	dasché i ge fa sì bon patto?
	NALE
	Mogiere, el vusi ben fare,
	mo el no valse el sbofonare
	né gnian far i miè scambiti,
970	me desperî co questo a’viti,
	siché, con te dige mo,
	son al fuogo condanò.
	TAMIA
	Mo com pò far mè, mario,
	che te sî a sì rio partio,
975	zà un’hora ieri in sto mondo?
	Te sii andò sì presto a fondo
	e tornò po anchora su,
	e che t’habi zà intendù
	co ge fuissi stò sempre mè?
	NALE
980	Apena morta te sarè
	che i te menerà da nu,
	perqué Dio cossì ha vogiù;
	te saerè pi ca mi assè,
	che in to vita te creerè
985	esserge stà. Cossì è la leza.
	No critu mo che an a’veza
	chi è vivi in Pava tra nu,
	assè per tristi è cognosù,
	che i serà zo condanè?
990	Tié ben mente, a’te ’l dirè,
	mo no ge dir niente zà.
	El primo che ge serà...
	Oh, a’no te ’l posso dire,
	perché i no me ’l laga dire.
995	Mo gi è tri che gi aspitom
	e, serore, a’se asion
	per fargene un bon marchetto.
	Mo, mogiere, perqué so astretto
	de partirme de chialò,
1000	che a’son de là chiamò
	per atromentar soldè,
	sètu mo, mogier, com la è?
	Zà che an ti ha vegnir via,
	andaron de compagnia.
1005	Vié adesso, dàme la man.
	TAMIA
	A’no vuogio, el mal malan!
	Se a’g’ho habù el mal dì
	tutto ancuò, dige, per ti!
	Va’pur mo on che te vuò,
1010	che tegnire no te vuò,
	ch’a’me vuogio mariare.
	NALE
	Mo a’te lagerè fare,
	cancaro, que te vorè.
	TAMIA
	Nal, dìme la veritè,
1015	me volìsiu mè ben?
	NALE
	Dasché el ver dir me scoven:
	medio, al sangue de Dio, no!
	TAMIA
	An mi sempre he sbertezò.
	NALE
	Sta’col mal che Dio te dea
1020	e cussì sempre mè sea!
	Sta’pur mo ive in malhora!
	TAMIA
	Mo va’pur ti in quel’hora
	che a’no te vega mè,
	che ben me provederè,
1025	dige, d’altro ca de agio!
	MENEGAZO
	Tamia, a’m’he metù a sbaragio,
	tutto ancuò te vo a cercando.
	Dìme mo adesso quando
	vogion far sto mariazo,
1030	adasché quel moltonazo
	de Nal, to mario, è morto.
	Te haresi mo gran torto
	se te me dirè de no:
	te sexi pur ti ampò
1035	che te m’hesi imprometù.
	Mo adasché Dio ha vogiù,
	dàme adesso un puo’la man.
	Te sè pur, dige, an ti an
	s’a’son un homo compio
1040	e se per un bon mario
	te puosi mè megiorare,
	e an si sè laorare,
	a’dige, con gran rason,
	e per cazar zo un pianton
1045	se ’l ge n’è de mi megiore.
	Dàme pur la man, serore,
	e andon via de chialò
	che te mostrerè ben po
	se mi te vuogio gran ben.
	TAMIA
1050	Medio, el besogna ben
	che te me stagi a pregare!
	Mo a’te vuogio donare
	l’anema, el fiò e la vita.
	Cara zuogia mia polita,
1055	dìme, che zercàvio mi?
	No sètu se ’l è assè dì
	che a’son la to sbertona?
	El non fo gnian mè persona,
	ché dar mo te vuò sto vanto,
1060	che mè me piasesse tanto
	con t’he fatto sempre ti.
	O frelo, ’l è assè dì
	ch’a’cerco esser to mogiere.
	Cherzi mo che ’l n’è da crêre
1065	ch’a’te refuasse mè,
	perché que hom te sì a’’l sè.
	Siché andon pur presto via,
	che a’son la to Tamia
	e ti sì el me Menegazo.
1070	Andon far sto mariazo
	pi presto ancuò ca doman.
	Nale, partita Tamia, torna in sena et dice.
	NALE
	A’son pur tirò da i can
	e ben tristo e scazonò!
	Pota mo, co m’he pensò
1075	de far mè questa noella?
	Cancaro, mo l’è stà bella
	a mostrar che sea mazò!
	He pur habù del bon mo!
	Tamia el crê verasiamen.
1080	Diambra, a’l’he pur fatta ben!
	Zà Zilio no m’amacé.
	’L è ben vero che ’l me dé,
	a’dige, ben fieramen.
	Te sè dir ch’a’’l sentî ben,
1085	mo a’’l me dé de piaton;
	mi, ch’a’son tristo e gioton,
	per intender e saere
	zò que disea me mogere,
	se la me vuol ben o no,
1090	a’he fenzù che ’l m’ha mazò,
	e sì a’son vivo, con a’viì.
	Gratia de Dio, son chì!
	Morbo, el me ven da sgrignare
	che me son andò a imbusare
1095	e dir che in spirito e’son
	e che in gi abissi a’son
	dal Gran Diaolo condanò!
	Pota, com mo m’he pensò
	dir tante bofonarì?
1100	El me parea, sangue de mi,
	esser davera ivelò.
	Te par mo che a’he catò
	che pena se dà a i soldè?
	E po an com ive ge è
1105	la Agnola Caga-in-calle?
	Anchora con sta pi male
	el Soncin Benzon de tutti,
	e com che i diavoli tutti
	ha da far quanto che i vo?
1110	Pota mo, a’son scozonò!
	Pur che ’l no me nuosa a mi
	ste cativierie e ste bosì,
	che, co a’fazo sbertezando,
	la se mariase cherzando
1115	che a’sea morto da bon seno.
	Pota, a’he pur puoco seno
	metterla in desperation!
	Cancaro, a’so el bel molton!
	M’è deviso haver sentio
1120	che la s’ha trovò mario.
	Ella: “Me vuò mariare”,
	disse. Al sangue de me pare
	la è pur busa fieramen.
	Cherzi che verasiamen
1125	la ge ha pur puoco cervelo.
	Horsù, ’l è puorpio el bordelo:
	co una femena una fià
	è stà, a’dige, marià,
	no pò star senza mario,
1130	la s’arpigia a ogno partio
	primo primo che ge ven.
	Ben che a’tegne fremamen
	mia mogier no ’l farà mè,
	mo a veér pur anderè
1135	la no fesse un papolò.
	TAMIA
	Trista ti, Tamia, mo
	che è quello che te fe?
	El se dirà sempre mè
	che sea stò na gran putana,
1140	perqué solo una stemana
	n’he lagò passar né un dì,
	dasché morì me marì,
	a remariarme anchora.
	I dira: “La no veéa l’hora
1145	che ’l traesse di lachitti”.
	Horsù, a’no ge don du pitti,
	diga ognhom mo quel ch’i vo.
	Ognhom cerca el fatto so
	e mi cerco an mi el me.
1150	Mi a’no porae mè
	star senza mario un dì.
	In colusion l’è cossì,
	che assà megio se pò stare
	ben tri dì senza magnare
1155	ca pur un senza mario.
	Dasché ’l è el voler de Dio
	che ’l me Nale si sea morto,
	a’no cherze farge torto
	a trovarmene zà un altro.
	NALE
1160	No, Tamia, no zercar d’altro,
	vìtu, ch’a’son vivo mi.
	TAMIA
	Oimè, trista e grama mi!
	Iesus, Vergene Maria!
	NALE
	No haver paura, Tamia,
1165	che a’son mi, a’no son morto.
	A sangue de mi, te he torto,
	perqué vuòtu morir ti?
	Vé, ch’a’sbertezo co ti.
	O mogier, mogier me bella,
1170	cara dolce la me frella,
	che, se te morisi ti,
	a’morirae da seno an mi!
	A’cherzo che te sî morta.
	Oh, che ’l diavolo me porta
1175	adesso via da bon senno!
	Tuo’, becco, te he perdù el senno
	voler far ste smerdarì.
	Tuo’mo su perché te cri
	esser cativo e scazonò.
1180	Tuo’, morbo a ti e chi t’ha impolò!
	Tuo’su, te he guagnò brasuola!
	Tuo’su, mato sbardasuola,
	va’mo atruova un’altra fante!
	Morbo me magne, frofante,
1185	mi e le me smerdarele
	e ste tante sbagatele!
	Mo a’no sè a che muò fare,
	né no ge sè armiliare.
	S’aess’aqua, la spianzerae,
1190	che fuosi la arvignerae.
	Mo a’ge pisserè in lo viso,
	che ’l m’è ben mo deviso
	ch’a’ge farae se no ben.
	Mo a’ge vuogio massa ben,
1195	a’no ’l porave mè fare.
	E’la sento pur arfiare,
	l’è calda pur, a la fe’.
	O mogiere per to fe’
	mo respondime un puo’!
	TAMIA
1200	A’son delezà a sto muò?
	Mo no sìu morto, vu?
	Andè via, a’no sì vu.
	NALE
	A’son mi, a sangue de Dio,
	a’son Nale, to mario!
	TAMIA
1205	Mo no v’hegie favelò
	che a’gièrivu passò
	de sta vita e andò de là?
	Te sconzuro, spirto, va’
	via da la parte de Dio!
	NALE
1210	O massier Domenedio,
	saràvege mè insperitò?
	O Cristo corcificò
	a’dubito veramen
	che el diavol dertamen
1215	el me sea intrò adosso.
	Oimè, Dio, ch’a’no posso
	star su fremo né in pe.
	Oimè, Iesumdio, oimè,
	cherze ch’a’son inspiritò.
1220	Son del diavolo, a’son so!
	’L è pur gran fatto, el è cossì,
	e mi a’crêa mo mi
	esser vivo e no ge son.
	Potta mo, a’so el bel frison!
1225	Mo Zilio no m’hal mazò?
	No so que sea, e sì son chialò.
	Doh, dromiràvegio mè?
	Se me insuniasse mè?
	Per mia fe’, vuogio provare
1230	s’a’poesse mè magnare
	e si a’son vivo o no.
	El m’è in pe cagar chialò
	per vêr se a’sento l’odore.
	Magno pur con bon bon saore,
1235	e sì a’salto ben an.
	E’me strenzo pur le man,
	e sì vego la Tamia.
	El me ven in fantasia
	da darme de sto cortelo.
1240	A’veerè adesso de belo
	se a’son o vivo o morto,
	perché, se a’sarè morto,
	a’no me porè amazare.
	No, ch’a’me porae desfare
1245	e deroinarme del mondo,
	far vegnire el finimondo
	de bel adesso per mi,
	perché a’cognosso chì
	che a’son vivo per certo,
1250	e sì ’l vego certo esperto
	a honor de Domenedio.
	Mogiere, a’son to mario.
	TAMIA
	A’no te ’l vuò minga creére.
	NALE
	A’te ’l vuogio far mo veére,
1255	se te vié co mi a ca’.
	Se fosse spirto, a’no farà
	quello che fazo chialò.
	Mogiere, a’he sbertezò,
	a’fasea per trepare
1260	e per volerte provare
	se te me volivi ben.
	Mo a’tegno verasiamen
	che ben puoco ti m’in vuò.
	A’he cognossù ancuò
1265	que femena che t’iè.
	Medio cancaro, ti te he
	zà pur presto mariò!
	A’sè che te m’he piantò,
	a’dige, d’un bel piantare.
1270	Te n’he gnian vogiù aspittare
	che a’’l vegne doman dì.
	TAMIA
	Dìme, Nale, sìtu ti?
	NALE
	Sì, potta de chi me fé!
	TAMIA
	El no è la veritè
1275	che a’m’habii mariò.
	NALE
	No te hegie vezù chialò
	pur mo andar via con un?
	TAMIA
	Te no troverè negun
	che mè questo posse dire.
1280	Te me farè ben morire
	mo se te dì ste pacì.
	Mo, mario, no me ’n dir pi,
	te me farè strangossare.
	NALE
	No far, mogiere, no fare,
1285	ch’a’sbertezo, matizuola.
	Te sì pur la mia figiuola,
	el me ben e el me castello.
	A’cognosso mo de bello
	che a’m’he insuniò
1290	e che a’he dromio fin mo,
	e sì no ’l possea creére,
	e mo a’’l comenzo a veére,
	l’è cossì inchindamò.
	Ma se a’te he inzuriò,
1295	deh, perdoname, serore,
	che questo è per troppo amore.
	Basta che a’no ’l cherzo mè.
	TAMIA
	A la fe’bona, a’sassé
	veramen matto compio.
1300	A’ve vuò vu per mario,
	gi altri incago tutti quanti.
	Oh, regratiò sea i santi
	adasché a’no sì morto.
	A’m’haì fatto gran torto
1305	a darme sta scalmanura,
	mè no havi la maor paura.
	Mo quanto hegie mo pianzù!
	Se a’gieri morto vu,
	a’me volea an mi amazare.
	NALE
1310	Horsù mo, lagon andare
	ste melencuònie da un lò.
	Nanzo a’parta de chialò
	vorae, cara bella mogiere,
	te me fiessi un apiasere
1315	a catar Zilio a ca’so,
	che te aspiterè chialò.
	Domandage perdon per mi
	e dirage che son chì
	e che son vivo in persona
1320	e ’l priego che ’l me perdona
	s’a’g’ho fatto despiasere,
	e che a’ge farè vedere
	ch’a’son so amigo e hom da ben.
	Fa’che ’l vegne fremamen,
1325	che a’l’aspiterè chì.
	E per dirtelo mo a ti
	l’he fieramen inzuriò,
	e a’temo del fatto so,
	e sì a’he paura d’ello,
1330	perché ’l è un mal oxello
	com che ’l è abavò con un,
	e po mi mo a’son un
	ch’a’no vuogio far costion.
	TAMIA
	No favelar de costion,
1335	no vuò te la faci mè.
	Laga pur che anderè
	e concerè sta noela.
	NALE
	Mo su va’, cara me frela.
	El m’è stà ben investio,
1340	ch’a’vuogio esser sì scaltrio,
	se la me è mo stà calà.
	Horsù, cara mia brigà,
	volì ch’a’v’insegne ben?
	Se volì mo viver ben,
1345	no fè mè oltrazo a negun.
	Se vorì calarla a un,
	l’altro ve farà un molton.
	Mi volea senza cason
	calarla a Zilio, con saì,
1350	mo la m’è stà calà a mi,
	e sì a’he scognù tasere
	e mostrar de no ’l saere
	e che a’m’he insuniò,
	domandar perdonanza po.
1355	No se ge pò remiliare,
	perché chi vuol smissiare
	la merda, la spuza pi.
	Forza è a lagarla cossì,
	perqué a’son stò mi cason;
1360	perçò a’consegio tutthom
	vuogia atender a ca’so,
	che no daga cason po
	a so mogier de far male,
	com a’he fatto mi, Nale.
1365	Perqué el ge n’è purasè
	de nu altri mariè
	che le corne a’se compron
	e per asè vie e rason
	de po le vogion incolpare,
1370	e sì le vogion mazare.
	Mo el me è mo cossì deviso,
	vorà esserge smerdò el viso,
	che havem la colpa e ’l peccò.
	Mo disìme, brigà, mo:
1375	se nu a’fosem in so pe,
	criu che se trovasse mè
	dona che fosse da ben?
	Tegnì questo fremamen,
	dige, de no, se Die m’aì;
1380	perqué el g’è de nu così
	che a’fazon el so mestiero.
	Vego vegnir Zilio, a’spiero
	che a’farè pase con ello.
	Horsù, Zilio, caro frello,
1385	se a’t’havese inzuriò,
	per amor de chi t’ha impolò
	te domando perdonanza,
	che de tutta mia fallanza
	el diavolo è stò cason.
1390	Mo a’he purgò da baron,
	frelo, la colpa e ’l peccò.
	ZILIO
	A la fe’, te t’he portò,
	dige, Nale, male male.
	Horben, Nale, Nale, Nale,
1395	el no se dê far cossì.
	Cherzi che quando a’te dî,
	giera fieramé abavò,
	che a’te critti haver mazò,
	che ’l me parea haver cason,
1400	perché ti senza rason
	pur volivi la Bettia.
	T’haivi mala fantasia
	e sì gieri un mal compagno,
	te volivi far bon guagno
1405	senza meterge del to,
	e sì hesi pur ben an ampò
	da metr’a scotto, a la fe’.
	Vuòtu far co a’te dirè?
	Guarda se son hom da ben.
1410	Vuòtu che tra nu a’facem,
	dige mo, i quatro contenti?
	Guarda, se ti te contenti,
	che mi son zà contentò;
	e sì porem dire ampò
1415	far cosa no fatta pi,
	che no se fé nomè i tri
	e nu mo farom i quatro.
	NALE
	Mo damò così sea fatto.
	Su, che dìu femene, vu?
	BETIA e TAMIA
1420	Mo a’sen stracontente nu,
	né vogion altro, a la fe’;
	e cossì el dover si è
	per no star a tragagiare.
	ZILIO
	No stagomo pi a frapare,
1425	toconse tutti la man.
	Tutto sea a sacoman,
	ognun face zò que i vo.
	TAMIA e BETIA
	Mo andon via de chialò,
	no perdon pi tempo chì.
1430	Andon a far quel che dì,
	dige, a far quatro contente.
	Pur che nesun se lemente
	faron vita gioriosa.
	Partiti tutti quatro Menegaço torna e dice.
	MENEGAZO
	Potta mo, co è andà sta cosa!
1435	Crêa che Nal fosse amazò.
	Int’ogne muò sea com la vo,
	a’me n’he fatto un marchetto,
	a’no g’in darae un petto.
	N’he catò zà quel che crêa,
1440	ché al sangue de mia mea
	giera zà bel e stufò.
	A’sarè mo descargò.
	Adasché el fen è sì caro,
	a’sarè an mi boaro
1445	senza fare el letto a i buò.
	A’porè far int’ogne muò,
	co a’vorè, qualche carezo,
	perqué mo, a quel ch’a’vezo,
	i crê far quatro continti,
1450	sì a’saron po pi de vinti!


	[1] honore de missier Iesusdio e de tutti i nuostri senti da Pava, e de Pava e del Pavan. Abenché a’no segon né a Roma, né a Fiorenza o a Robin, e che sea stò chì tante guere e deroine, a’n’haon pur fatta una de le comierie, e sì a’g’in faron de le altre, per tegnire alzò el lome de Pava, che, cossì com la passa tutte le altre in fortezza, in bellezza e in sincia, che la le passe in piaxeolezza.

	[1] E perché el g’è de assè fatte de celibrii, a’sè che chi dirà che l’è longa, chi curta, chi che la volea essere in altra lengua, e chi una cosa e chi l’altra. A’ve respondo: a’no segon domenedii. E si ge foesse qualche femena che diese che la fosse stà sporca, a’ge respondo che a’ge dissi ananzo de dirla naturalmen, e digando naturalmen no se possea dire con altre parole.
	[2] Mo disìme mo vu, femene, chi è al mondo che no sepa de que busa ’l è vegnù, senza dirlo? E chi è sì grosso che no sepa zò que è sotto i vuostri drappi, e vu sotto i nuostri? Quando se dise inchiamentre int’i spiergoli da pricaore cose naturale, le se scon intendere. E po a’me pensava de dirle a femene da ben, che elle no ha rege.